Georgetown Hoyas
Georgetown Hoyas ya iku tim atletik pawiyatan luhur kang sacara resmi makili Universitas Georgetown, Washington, D.C. Dhépartemèn Atletik Georgetown dumadi saka 23 tim tingkat universitas priya wanita lan padha tetandhingan ing tingkat Dhivisi I NCAA (Asosiasi Atletik Pawiyatan Luhur Tingkat Nasional) minangka anggota Big East Conference.
| Georgetown Hoyas | |
|---|---|
 | |
| Pawiyatan luhur | Georgetown University |
| Konferènsi | Big East Conference Patriot League (football) EARC, MAISA |
| NCAA | Division I |
| Dhirèktur atletik | Lee Reed |
| Papan | Washington, D.C. |
| Tim varsitas | 11 men's, 12 women's, 1 co-ed |
| Stadhion bal-balan gagrag AS | Cooper Field |
| Aréna bal baskèt | Capital One Arena (men's) McDonough Gymnasium (women's) |
| Stadhion bisbol | Shirley Povich Field |
| Stadhion sofbol | Washington Nationals Youth Academy |
| Stadhion bal-balan | Shaw Field |
| Stadhion lacrosse | Cooper Field |
| Aréna liyané | Yates Field House |
| Maskot | Jack the Bulldog |
| Julukan | The Hoyas |
| Lagu bandayuda | There Goes Old Georgetown |
| Blue and Gray[1] | |
| Sana wèb | www |
Tradhisi
besut
Tembung "Hoya"
besutPéhak universitas dhéwé ngakoni yèn ora mangertèni mula buka sajatiné tembung "Hoya" iku saka ngendi.[2] Ananging ing wanci sadurungé taun 1893 utawa malah sadurungé 1891, mahasiswa kang prigel nuturaké basa klasik padha nggabungaké tembung hoia utawa hoya saka basa Yunani lan tembung saxa saka basa Latin, kang sabanjuré dadi unèn-unèn "Hoya Saxa!" ateges "Watu apa!".[3][4] Unèn-unèn iku bisa ngrujuk marang lelabetaning tim bal-balan kang kuwat utawa tim bisbol kang jejuluk "Stonewalls" utawa ngrujuk marang pager watu kang ngubengi kampus.[5] Pastur William McFadden, S.J., minangka pastur ing kampus Yésuit lan panyiar ing Capital One Arena, wis tau ndhébat asal-usul tetembungan iku saka basa Yunani lan Latin.[4]
Maskot
besut
Georgetown nduwèni julukan The Hoyas, nanging Georgetown nduwèni maskot wujud asu ya iku aran "Jack The Bulldog". Manéka warna jinis asu wis tau dianggo maskot déning tim ulah raga wiwit taun 1990-an. Asu jinis terrier bull aran Sergeant Stubby lan Hoya dianggo ing tetandhingan bal-balan nalika taun 1920-an, kang saèmper kaya Great Dane ing taun 1940-an. Nanging ing taun 1951, pawiyatan ngendhegaké cabang bal-balan jalaran mundhaking béya, kang sacara ora langsung uga ngilangaké maskot kang wus misuwur iku.[6]
Lagu bandayuda
besutLagu bandayuda Georgetown utawa kang misuwur aran "There Goes Old Georgetown" iku sajatiné lagu gabungan saka telung lagu. Lagu kang paling lawas ya iku "The Touchdown Song" taun 1913 kalawan lirik "Here Go Old Georgetown". Para mahasiswa nggabungaké lagu vèrsi "The Touchdown Song" kalawan lagu "Cheer for Victory" kang ditulis ing taun 1915, lan uga lagu "The Hoya Song" kang ditulis ing taun 1930.[7] Déné ora ana kang ngerti sapa kang wis nulis lagu-lagu iki uga lagu vèrsi kang wis digabungaké.[8]
Ulah raga kang disengkuyung
besutUniversitas Georgetown nduwèni 23 tim ulah raga tingkat universitas, ing antarané ya iku: 11 tim putra, 11 tim putri, lan sak tim gabungan. Ulah raga antar pawiyatan luhur iku dumadi saka:[9]
- Putra: bisbol (1870), bal baskèt (1907), dhayung (1876; 1958), lumayu lintas désa (1924), bal-balan gagrag AS (1887), golf (1925), lacrosse (1951), bal-balan (1952), langi lan nyilem (1949) ), ténis (1920), lan trèk lan lapangan (1891)
- Putri: bal baskèt (1960), dhayung (1975), lumayu lintas désa (1976), hoki lapangan (1960), golf (2001), lacrosse (1975), bal-balan (1991), sofbol (2005), langi lan nyilem (1975), ténis (1960), trèk lan lapangan (1976), lan bal voli (1960)
- Gabungan: lelayaran (1937)
Tim kleb
besutUniversitas Georgetown ngirimaké pirang-pirang tim kleb ulah raga. Wiwit saka kleb ulah raga umum ing universitas, kaya ta ténis uga bal baskèt; nganti ulah raga kang ora umum ing universitas, kaya ta kleb polo banyu putra lan putri uga frisbi pamungkas. Universitas wiwit nyengkuyung tim kleb ing taun 2000. Sanajan ana tim liya, kaya ta Pakumpulan Croquet Universitas Georgetown, nanging Dhéwan Ulah Raga Kleb ing Georgetown nyengkuyung 11 tim kleb putra, 10 putri, lan 3 tim gabungan:
- Putra: tinju (2008), nyepédhah, hoki ès, bal baskèt, lacrosse (1995), rugbi (1967), bal-balan, frisbi pamungkas, bal voli, polo banyu (1993), triatlon (2005)
- Putri: sekuas (2008), polo banyu, bal baskèt, hoki lapangan, lacrosse, rugbi (2000), bal-balan (2001), frisbi pamungkas, bal voli, tinju
- Gabungan: jaranan, bal rakèt (2007), ténis (2004), mènèk (2010)
Dhirèktur atletik
besutIng 11 Mèi 2009 diwiwitiné panlusuran kanggo kalungguhan dhirèktur sawisé Bernard Muir ninggalaké kalungguhané minangka Dhirèktur Dhépartemèn Atletik. Banjur Daniel R. Porterfield, Wakil Présidhèn Sénior kanggo Pangembangan Strategis ing 3 Juni 2009 wiwit mengku kalungguhan Dhirèktur Atletik. Sawisé iku Lee Reed nerusaké kalungguhan iku wiwit 15 April 2010.
| Nama | Taun[10] |
|---|---|
| Charles R. Cox | 1914–1920 |
| Vincent S. McDonough | 1920–1924 |
| Lou Little | 1924–1930 |
| H. Gabriel Murphy | 1930–1941 |
| Rome F. Schwagel | 1941–1942 |
| Joseph T. Gardner | 1942–1943 |
| John J. Kehoe | 1943–1944 |
| Jack Hagerty | 1946–1947 |
| Rome F. Schwagel | 1947–1949 |
| Jack Hagerty | 1949–1969 |
| Robert H. Sigholtz | 1969–1972 |
| Francis X. Rienzo | 1972–1994 |
| Joseph C. Lang | 1994–2004 |
| Adam Brick | 2004–2005 |
| Bernard Muir | 2005–2009 |
| Daniel R. Porterfield | 2009–2010 |
| Lee Reed | 2010–present |
Kajuwaran
besut1984 Kajuwaran Bal Baskèt Putra NCAA
Kajuwaran tim NCAA
besutGeorgetown wis tau menang ing 3 kajuwaran nasional tim Dhivisi 1 NCAA:
- Putra (2)
- Bal baskèt (1): 1984
- Bal-balan (1): 2019
- Putri (1)
- Lumayu lintas désa (1): 2011
Kajuwaran indhividhu NCAA
besutGeorgetown wis menang ing 23 kajuwaran nasional indhividhu Dhivisi 1 NCAA:
- Golf - Putra - 2 kajuwaran nasional NCAA - Maurice McCarthy Jr. (1928) lan John Burke (1938)
- Lumayu lintas désa - Putra - 1 kajuwaran nasional NCAA - Charles Capozzoli (1952)
- Trèk lan lapangan - Outdoor - Putra - 8 kajuwaran nasional NCAA
- Trèk lan lapangan - Outdoor - Putri - 1 kajuwaran nasional NCAA
- Trèk lan lapangan - Indoor - Putra - 6 kajuwaran nasional NCAA
- Trèk lan lapangan - Indoor - Putri - 5 kajuwaran nasional NCAA
Georgetown uga wis menang sak kajuwaran nasional indhividhu Dhivisi 1 NCAA:
- Ténis - Putri - 1 kajuwaran nasional NCAA - Suzanne Kuhlman (1983)
Sajroning budaya populèr
besutKanthi kababaring tim bal baskèt putra Georgetown ing taun 1980-an, Hoyas malih dadi sangsaya kagayut klawan komunitas kulit ireng ing Amerikah Sarékat lan mliginé ing laladan Washington DC.[11] Tundhoné Georgetown dadi sumbering inspirasi kanggoné karya-karyané para juru kagunan Afrika-Amérika, kalebu She Gotta Have It karyané Spike Lee[12], Aquemini karyané Outkast[13], lan Kingdom Come karyané Jay-Z[14].
Rujukan
besut- ↑ Cithakan:Cite manual
- ↑ "The Hoya: A Brief History | Georgetown University Library". www.library.georgetown.edu. Dibukak ing 2020-01-23.
- ↑ "HoyaSaxa.com: Georgetown Traditions". www.hoyasaxa.com. Dibukak ing 2020-01-23.
- ↑ a b "Fact or Fiction? Mythbusting Hoya History with the University Archives | Georgetown University Library". www.library.georgetown.edu. Dibukak ing 2020-01-23.
- ↑ "What is a Hoya?". Georgetown University Athletics (ing basa Inggris). Dibukak ing 2020-01-23.
- ↑ "The Dogs of Georgetown | Georgetown University Library". www.library.georgetown.edu. Dibukak ing 2020-01-23.
- ↑ "HoyaSaxa.com: Georgetown Traditions". www.hoyasaxa.com. Dibukak ing 2020-01-23.
- ↑ Studwell, William E. (William Emmett), 1936-2010.; Schueneman, Bruce R., 1955- (2001). College fight songs. New York: Haworth Press. ISBN 0-7890-0665-0. OCLC 48074780.
{{cite book}}: CS1 maint: multiple names: authors list (link) - ↑ "GEORGETOWN OFFICIAL ATHLETIC SITE - Staff Directory". web.archive.org. 2010-05-15. Diarsip saka asliné 2010-05-15. Dibukak ing 2020-01-23.
{{cite web}}: CS1 maint: bot: original URL status unknown (link) - ↑ "Hoya Saxa Magazine" (PDF). Georgetown University. January 2006. Diarsip saka sing asli (PDF) ing November 5, 2012. Dibukak ing December 18, 2009.
- ↑ "The Passion of Patrick Ewing | Washingtonian (DC)". Washingtonian (ing basa Inggris Amérika Sarékat). 2018-01-14. Dibukak ing 2020-01-23.
- ↑ Latham, Brandon; Latham, Brandon (2014-07-03). "Spike Lee, Fashion Icon? The Famed Director Talks About How He Reflects Pop Culture in His Films". IndieWire (ing basa Inggris). Dibukak ing 2020-01-23.
- ↑ "Rosa Parks Lyrics". www.lyrics.com (ing basa Inggris). Dibukak ing 2020-01-23.
- ↑ "The Prelude Lyrics". www.lyrics.com (ing basa Inggris). Dibukak ing 2020-01-23.