Ghoul ya iku monster utawa roh jahat ing mitologi Arab, kang digayutké karo kuburan lan mangan daging manungsa.[1] Tembung iki digunakaké kapisan ing sastra Inggris nalika taun 1786, pernahé ing novel orientalis karya William Beckford Vathek.[2] Ing novel iku digambaraké ghūl saka crita wong Arab. Ing fiksi modhern, tembung iki sok karan monster mayit urip.

"Amine Ditemokne karo Goule", saka cerita Sidi Nouman, kisah 1001 wengi

Etimologi paling awal besut

Ghoul saka tembung Arab غول ghūl, saka غال ghala, "kanggo ngrebut".[3] Tembung iku dideleng kanthi teges etimologis kang duwé sesambungan marang tembung galla, jeneng Setan Kelas Ngisor saka mitologi Sumeria lan Akkadian.[4][5]

Carita Rakyat Timur Tengah besut

 
Ghoul padha nongkrong kanggo padudon ing puisi basa Persi

Ing Crita Rakyat Arab Kuna, ghūl manggon ing kuburan lan papan kosong liyané. Ghul dipercaya minangka jin jahat kang saka déning Iblis.[6]

Ghoul uga urip ing sagara wedhi, kang bisa nyamar dadi hyena utawa kéwan liyané. Makhluk iki mangan cah cilik, ngombé getih, nyolong dhuwit, lan mangan wong mati,[7] bar kuwi madani rupa wong kang bar dipangan.

Ing basa Arab, bentuk wadon dijenengi ghoulah[8] lan bentuk jamak'e ghilan. Ing basa Arab padinan, tembung iki kanggo nggambaraké wong kang nduweni sifat kemaruk lan egois. Tokoh kang arep padha lan jeneng kang padha (Pèrsi: غول‎‎) uga ana ing Crita Rakyat Persia.

Ing budaya modhern besut

Sawisé Antoine Galland mertal crita 1001 wengi marang basa Prancis, wong Barat ditepungaké ghoul. Galland nggambaraké ghoul minangka makhluk medeni kang urip ing kuburan, seneng mangan mayit. Dhéfinisi ngenani ghoul zaman mbiyen padha karo dhéfinisiné zaman modhérn ing literatur, manga lan anime (kaya ta Tokyo Ghoul), televisi lan film, sarta video game.[9]

Waca Uga besut

Rujukan besut

  1. "The Story of Sidi-Nouman". Dibukak ing 2012-07-05.
  2. "Ghoul Facts, information, pictures | Encyclopedia.com articles about Ghoul". Encyclopedia.com. Dibukak ing 2011-03-23.
  3. Robert Lebling (30 July 2010). Legends of the Fire Spirits: Jinn and Genies from Arabia to Zanzibar. I.B.Tauris. kc. 96–. ISBN 978-0-85773-063-3.
  4. Cramer, Marc (1979). The Devil Within. W.H. Allen. ISBN 978-0-491-02366-5.
  5. "Cultural Analysis, Volume 8, 2009: The Mythical Ghoul in Arabic Culture / Ahmed Al-Rawi". Socrates.berkeley.edu. Dibukak ing 2011-03-23.
  6. "ghoul". Encyclopædia Britannica. Dibukak ing January 22, 2006.
  7. "ghoul". Merriam-Webster Online Dictionary. Dibukak ing January 22, 2006.
  8. *Muhawi, Ibrahim, and Sharif Kanaana (1988). Speak, Bird, Speak Again: Palestinian Arab Folktales. Berkeley: University of California Press.{{cite book}}: CS1 maint: multiple names: authors list (link)
  9. Al-Rawi, Ahmed K. (11 November 2009). "The Arabic Ghoul and its Western Transformation". Folklore. 120 (3): 291–306. doi:10.1080/00155870903219730. Dibukak ing 14 August 2014.