Great Expectations

Great Expectations iku novèl déning Charles Dickens. Novèl iki nggambaraké tuwuhé lan pangembanganing prianggané yatim piyatu ajeneng Philip Pirrip ("Pip"). Novèl iki digebyakaké awujud sèrial ing kalawarta minggoné Dickens ajeneng All the Year Round, saka 1 Dhésèmber 1860 nganti Agustus 1861.^[1] Nalika Oktober 1861, Chapman lan Hall mbabar novèl iki dadi telung bundhel.

Novèl iki njupuk latar banarawa ing Kent lan London nalika wiwitan nganti tengahan abad 19. Wiwitané, pamaos dicritani patemon sing medèni antarané Pip, protagonisé, lan narapidhana sing minggat ajeneng Abel Magwitch.^[2] Great Expectations iku buku sing nggambaraké kahanan sing tenanan, kebak karo gambaran sing gila, kamlaratan, kakunjaran, "rongsokan kapal," alangan, rangkén, lan pagelutan nganti mati.^[2] Novèl iki uga ngamoraké plot carita sing ngagètaké lan ora dinyana ing carita autobiografi sing rinci sajeroning tun sing béda-béda. Tanpa merdhulèkaké tèhnik naratipé, novèl iki nyritakaké kadadéan nalika jaman kuwi, kaprihatinané Dickens, lan gegayutan antarané masarakat lan manungsa.

Dickens ngrasa yèn Great Expectations kuwi karyané dhèwèké sing paling apik, "pamikiran sing nyenengaké banget," jaréné^[3] lan sènsitip banget marang pangalem saka kanca-kancané: "Bulwer, koe ngerti lah, sing dijupuk saka buku iki kang ora umum."^[4] Paragané kalebu Miss Havisham sing kakèhan léwa, Estella sing ora perdhulèn nanging ayu, Joe pandhé wesi sing apikan lan blekoh, Uncle Pumblechook sing kaku lan begundhal, uga Herbert Pocket sing lanyah tur wicaksana. Saindengé cerita, irah-irahané Dickensian sing racaké muncul kui bab: kasugihan lan kamlaratan, trésna lan tampikan, lan akhir kamenanganing kabagusan marang ala.

Great Expectations wis dipertal ing pirang-pirang basa lan diadhaptasi bola bali menyang filem lan médhia liyané.

Réferènsi

↑ "Was Dickens Really Paid By the Word?". University of California Santa Cruz: The Dickens Project. Regents of the University of California. Dibukak ing 15 February 2013.
↑ ^a ^b Charles Dickens 1993, p. 1, introduction.
↑ "The Grotesque and Tragicomedy in Dickens' Great Expectations". Dibukak ing 6 November 2012.^{[pranala mati permanèn]}
↑ Ian Brinton. "Dickens Bookmarks 12 - Great Expectations" (PDF). Diarsip saka sing asli (PDF) ing 4 November 2013. Dibukak ing 25 January 2013.

[1] "Was Dickens Really Paid By the Word?". University of California Santa Cruz: The Dickens Project. Regents of the University of California. Dibukak ing 15 February 2013.

[dickens-2] Charles Dickens 1993, p. 1, introduction.

[3] "The Grotesque and Tragicomedy in Dickens' Great Expectations". Dibukak ing 6 November 2012.^{[pranala mati permanèn]}

[Brinton-4] Ian Brinton. "Dickens Bookmarks 12 - Great Expectations" (PDF). Diarsip saka sing asli (PDF) ing 4 November 2013. Dibukak ing 25 January 2013.

[1]

[2]

[3]

[4]