ꦒꦸꦤꦸꦁꦧꦠꦸꦂ
ꦗꦮ
|
ꦒꦸꦤꦸꦁꦧꦠꦸꦂ ꦩꦶꦤꦁꦏ ꦱꦮꦶꦗꦶꦤꦶꦁ ꦒꦸꦤꦸꦁ ꦒꦼꦤꦶ ꦄꦏ꧀ꦠꦶꦥ꦳꧀ ꦲꦶꦁ ꦏꦕꦩꦠ꧀ꦠꦤ꧀ ꦏꦶꦤ꧀ꦠꦩꦤꦶ, ꦏꦧꦸꦥꦠꦺꦤ꧀ ꦧꦁꦭꦶ, ꦧꦭꦶ, ꦆꦤ꧀ꦝꦺꦴꦤꦺꦱꦶꦪ. ꦢꦸꦩꦸꦤꦸꦁ ꦲꦶꦁ ꦱꦶꦱꦶꦃ ꦏꦸꦭꦺꦴꦤ꧀-ꦭꦺꦴꦂꦫꦺ ꦒꦸꦤꦸꦁ ꦲꦒꦸꦁ, ꦒꦸꦤꦸꦁ ꦲꦶꦏꦶ ꦢꦸꦮꦺ ꦏꦭ꧀ꦝꦺꦫ ꦏꦤ꧀ꦛꦶ ꦲꦸꦏꦸꦂꦫꦤ꧀ 13,8 x 10 km ꦭꦤ꧀ ꦩꦶꦤꦁꦏ ꦱꦭꦃ ꦱꦶꦗꦶ ꦏꦁ ꦒꦼꦣꦺ ꦣꦺꦮꦺ ꦭꦤ꧀ ꦥꦭꦶꦁ ꦲꦺꦤ꧀ꦢꦃ ꦲꦶꦁ ꦢꦺꦴꦚ (van Bemmelen, 1949). ꦒꦊꦁꦔꦤ꧀ ꦏꦭ꧀ꦝꦺꦫ ꦣꦸꦮꦸꦂꦫꦺ ꦮꦠꦫ 1267 m-2152 m (ꦥꦸꦕꦸꦏ꧀ ꦒꦸꦤꦸꦁ ꦲꦧꦁ). ꦱꦗꦼꦫꦺꦴꦤꦶꦁ ꦏꦭ꧀ꦝꦺꦫ I ꦏꦮꦔꦸꦤ꧀ ꦏꦭ꧀ꦝꦺꦫ II ꦏꦁ ꦲꦮꦔꦸꦤ꧀ ꦧꦸꦤ꧀ꦢꦼꦂ ꦏꦤ꧀ꦛꦶ ꦒꦫꦶꦱ꧀ ꦠꦼꦔꦃ ꦏꦸꦫꦁ ꦭꦸꦮꦶꦃ 7 km. ꦣꦱꦂ ꦏꦭ꧀ꦝꦺꦫ II ꦢꦸꦩꦸꦤꦸꦁ ꦲꦤ꧀ꦠꦫ 120 – 300 m ꦭꦸꦮꦶꦃ ꦕꦼꦤ꧀ꦝꦺꦏ꧀ ꦱꦏ ꦲꦸꦤ꧀ꦝꦏ꧀ ꦏꦶꦤ꧀ꦠꦩꦤꦶ (ꦣꦱꦂ ꦏꦭ꧀ꦝꦺꦫ I). ꦲꦶꦁ ꦗꦼꦫꦺꦴꦤꦺ ꦏꦭ꧀ꦝꦺꦫ ꦩꦲꦸ ꦲꦤ ꦠ꧀ꦭꦒ ꦏꦁ ꦲꦮꦔꦸꦤ꧀ ꦧꦸꦭꦤ꧀ ꦱꦧꦶꦠ꧀ ꦏꦁ ꦩꦁꦒꦺꦴꦤ꧀ꦤꦶ ꦱꦶꦱꦶꦃ ꦏꦶꦢꦸꦭ꧀-ꦮꦺꦠꦤ꧀ ꦭꦤ꧀ ꦢꦮꦤꦺ ꦮꦠꦫ 7,5 km, ꦲꦩ꧀ꦧ ꦩꦏ꧀ꦱꦶꦩꦸꦩ꧀ 2,5 km, ꦲꦸꦧꦼꦁꦔꦺ ꦮꦠꦫ 22 km ꦭꦤ꧀ ꦗꦼꦩ꧀ꦧꦂꦫꦺ ꦮꦠꦫ 16 km2 ꦏꦁ ꦢꦶꦲꦫꦤ꧀ꦤꦶ ꦠ꧀ꦭꦒ ꦧꦠꦸꦂ. ꦏꦭ꧀ꦝꦺꦫ ꦒꦸꦤꦸꦁꦧꦠꦸꦂ ꦏꦶꦫ-ꦏꦶꦫ ꦏꦮꦔꦸꦤ꧀ ꦢꦺꦤꦶꦁ ꦭꦺꦴꦫꦺꦴ ꦗꦼꦧ꧀ꦭꦸꦒ꧀ꦒꦤ꧀ ꦒꦼꦣꦺ, 29.300 ꦭꦤ꧀ 20.150 ꦠꦲꦸꦤ꧀ ꦏꦥꦸꦁꦏꦸꦂ [1].
| ꦧꦠꦸꦂ | |||
| |||
| Lokasi | ꦏꦧꦸꦥꦠꦺꦤ꧀ ꦧꦁꦭꦶ, ꦧꦭꦶ | ||
| Kota terdekat | - | ||
| Negara | ꦆꦤ꧀ꦝꦺꦴꦤꦺꦱꦶꦪ | ||
| Tipe | ꦱ꧀ꦠꦿꦠꦺꦴ ꦲꦶꦁ ꦗꦼꦫꦺꦴ ꦏꦭ꧀ꦝꦺꦫ | ||
| Jeblugan pungkasan | 2000 | ||
| Ketinggian | 1.717 ꦩꦺꦠꦼꦂ (5.633 ꦏꦏꦶ) | ||
| Koordinat | 8°14'5" ꦭꦶꦤ꧀ꦠꦁ ꦏꦶꦢꦸꦭ꧀ 115°22'5" ꦧꦸꦗꦸꦂ ꦮꦺꦠꦤ꧀ | ||
ꦧꦸꦤꦸꦁꦧꦠꦸꦂ ꦢꦸꦩꦢꦶ ꦱꦏ ꦏꦼꦫꦸꦕꦸꦠ꧀ ꦒꦸꦤꦸꦁ ꦒꦼꦤꦶ ꦏꦤ꧀ꦛꦶ ꦏꦮꦃ: ꦧꦠꦸꦂ I, ꦧꦠꦸꦂ II, ꦭꦤ꧀ ꦧꦠꦸꦂ III.
ꦗꦼꦧ꧀ꦭꦸꦒ꧀ꦒꦤ꧀ besut
ꦒꦸꦤꦸꦁꦧꦠꦸꦂ ꦮꦶꦱ꧀ ꦩꦏꦥꦶꦁ ꦏꦥꦶꦁ ꦚ꧀ꦗꦼꦧ꧀ꦭꦸꦒ꧀. ꦏꦒꦶꦪꦠ꧀ꦠꦤ꧀ ꦗꦼꦧ꧀ꦭꦸꦒ꧀ꦒꦤ꧀ ꦒꦸꦤꦸꦁꦧꦠꦸꦂ ꦏꦁ ꦏꦕꦛꦼꦠ꧀ ꦱꦗꦼꦫꦺꦴꦤꦶꦁ ꦱꦗꦫꦃ ꦢꦶꦮꦶꦮꦶꦠ꧀ꦠꦶ ꦠꦲꦸꦤ꧀ 1804 ꦭꦤ꧀ ꦗꦼꦧ꧀ꦭꦸꦒ꧀ꦒꦤ꧀ ꦥꦸꦁꦏꦱ꧀ꦱꦤ꧀ ꦏꦢꦢꦺ ꦠꦲꦸꦤ꧀ 2000. ꦮꦶꦮꦶꦠ꧀ ꦠꦲꦸꦤ꧀ 1804 ꦔꦤ꧀ꦠꦶ 2005, ꦒꦸꦤꦸꦁꦧꦠꦸꦂ ꦮꦶꦱ꧀ ꦚ꧀ꦗꦼꦧ꧀ꦭꦸꦒ꧀ ꦥꦶꦁ 26 [2] ꦭꦤ꧀ ꦒꦼꦣꦺ ꦣꦺꦮꦺ ꦏꦢꦢꦺꦤ꧀ ꦠꦁꦒꦭ꧀ 2 ꦄꦒꦸꦱ꧀ꦠꦸꦱ꧀ ꦔꦤ꧀ꦠꦶ 21 ꦱꦺꦥ꧀ꦠꦺꦩ꧀ꦧꦼꦂ 1926. ꦗꦼꦧ꧀ꦭꦸꦒ꧀ꦒꦤ꧀ ꦒꦸꦤꦸꦁꦧꦠꦸꦂ ꦲꦶꦏꦸ ꦒꦮꦺ ꦲꦶꦭꦺꦤ꧀ ꦮ꧀ꦭꦲꦂ ꦥꦤꦱ꧀ ꦏꦁ ꦤꦶꦩ꧀ꦧꦸꦤ꧀ ꦢꦺꦱ ꦧꦠꦸꦂ ꦭꦤ꧀ ꦥꦸꦫ ꦲꦸꦭꦸꦤ꧀ ꦣꦤꦸ ꦧꦠꦸꦂ.
ꦢꦺꦱ ꦧꦠꦸꦂ ꦏꦁ ꦲꦚꦂ, ꦢꦶꦮꦔꦸꦤ꧀ ꦩꦤꦺꦲꦃ ꦲꦶꦁ ꦥꦶꦁꦒꦶꦂ ꦏꦭ꧀ꦝꦺꦫ ꦱꦶꦱꦶꦃ ꦏꦶꦢꦸꦭ꧀ ꦏꦶꦤ꧀ꦠꦩꦤꦶ. ꦥꦸꦫ ꦲꦸꦭꦸꦤ꧀ ꦣꦤꦸ ꦢꦶꦮꦔꦸꦤ꧀ ꦩꦤꦺꦃ, ꦔꦤ꧀ꦠꦶ ꦱꦲꦶꦏꦶ ꦩꦶꦱꦸꦮꦸꦂ ꦩꦶꦤꦁꦏ ꦥꦸꦫ ꦏꦁ ꦥꦭꦶꦁ ꦲꦺꦤ꧀ꦢꦃ ꦲꦶꦁ ꦧꦭꦶ. ꦥꦸꦫ ꦲꦶꦏꦶ ꦢꦶꦥꦼꦂꦱꦼꦩ꧀ꦧꦃꦲꦏꦺ ꦏꦁꦒꦺꦴ ꦔꦿꦸꦩꦠ꧀ꦠꦶ "ꦢꦺꦮꦶ ꦣꦤꦸ" ꦪꦲꦶꦏꦸ ꦢꦺꦮꦶ ꦥꦔꦸꦮꦱ ꦧꦚꦸ, ꦏꦪ ꦢꦺꦤꦺ ꦥꦸꦫ ꦏꦁ ꦲꦤ ꦲꦶꦁ ꦠ꧀ꦭꦒ ꦧꦿꦠ꧀ꦠꦤ꧀ ꦲꦸꦒ ꦢꦶꦥꦼꦂꦱꦼꦩ꧀ꦧꦃꦲꦏꦺ ꦏꦁꦒꦺꦴ ꦩꦸꦗ "ꦢꦺꦮꦶ ꦣꦤꦸ".
ꦲꦺꦴꦧ꧀ꦗꦺꦏ꧀ ꦮꦶꦱꦠ besut
ꦏꦮꦱ꧀ꦱꦤ꧀ ꦒꦸꦤꦸꦁ ꦧꦠꦸꦂ ꦩꦶꦱꦸꦮꦸꦂ ꦩꦶꦤꦁꦏ ꦲꦺꦴꦧꦾꦺꦏ꧀ ꦮꦶꦱꦠ ꦲꦤ꧀ꦝꦭ꧀ꦭꦤ꧀ ꦏꦧꦸꦥꦠꦺꦤ꧀ ꦧꦁꦭꦶ. ꦩꦶꦠꦸꦫꦸꦠ꧀ ꦕꦫꦶꦠ ꦱꦗꦼꦫꦺꦴꦤꦶꦁ ꦭꦺꦴꦤ꧀ꦠꦂ ꦱꦸꦱꦤ ꦧꦭꦶ, ꦒꦸꦤꦸꦁꦧꦠꦸꦂ ꦩꦶꦤꦁꦏ ꦥꦸꦕꦸꦏ꧀ꦏꦶꦁ ꦒꦸꦤꦸꦁ ꦩꦲꦩꦺꦫꦸ ꦏꦁ ꦢꦶꦥꦶꦤ꧀ꦝꦃꦲꦏꦺ ꦧꦛꦫ ꦥꦱꦸꦥꦠꦶ ꦏꦁꦒꦺꦴ ꦢꦶꦢꦢꦺꦏ꧀ꦏꦏꦺ ꦲꦶꦱ꧀ꦠꦤꦤꦺ ꦧꦼꦛꦫꦶ ꦣꦤꦸꦃ. ꦲꦶꦁ ꦱꦗꦼꦫꦺꦴꦤꦶꦁ ꦮꦼꦏ꧀ꦠꦸ ꦠꦂꦠꦩ꧀ꦠꦸ, ꦏꦧꦺꦃ ꦲꦸꦩꦠ꧀ ꦲꦶꦤ꧀ꦝꦸ ꦱꦏ ꦭꦭꦢ꧀ꦢꦤ꧀ ꦲꦶꦁ ꦧꦭꦶ ꦠꦼꦏ ꦩꦼꦚꦁ ꦧꦠꦸꦂ ꦔꦠꦸꦂꦫꦏꦺ ꦱꦸꦮꦶꦤꦶꦃ ꦏꦁꦒꦺꦴ ꦔꦸꦱꦶꦂ ꦧꦼꦚ꧀ꦕꦤ ꦲꦩ ꦏꦁ ꦤꦼꦂꦗꦁ ꦭꦣꦁ ꦠꦼꦠꦸꦮꦸꦃꦲꦤ꧀. ꦏꦤ꧀ꦛꦶ ꦔꦠꦸꦂꦫꦏꦺ ꦱꦸꦩꦶꦤꦶꦃ ꦲꦶꦏꦶ ꦏꦮꦱ꧀ꦱꦤ꧀ ꦒꦸꦤꦸꦁꦧꦠꦸꦂ ꦢꦢꦶ ꦭꦭꦢ꧀ꦢꦤ꧀ ꦏꦁ ꦱꦸꦧꦸꦂ.
ꦭꦭꦢ꧀ꦢꦤ꧀ ꦏꦁ ꦧꦶꦱ ꦢꦶꦠꦺꦴꦚ꧀ꦗꦺꦴꦭ꧀ꦭꦏꦺ ꦩꦶꦤꦁꦏ ꦲꦺꦴꦧꦾꦺꦏ꧀ ꦮꦶꦱꦠ ꦪꦲꦶꦏꦸ ꦏꦮꦃ, ꦏꦭ꧀ꦝꦺꦫ, ꦭꦤ꧀ ꦠ꧀ꦭꦒ. ꦲꦤ ꦲꦶꦭꦺꦤ꧀ ꦧꦚꦸ ꦱꦗꦼꦫꦺꦴꦤꦶꦁ ꦊꦩꦃ ꦏꦁ ꦔꦶꦭꦺꦏ꧀ꦏꦏꦺ ꦧꦚꦸ ꦠ꧀ꦭꦒ ꦧꦠꦸꦂ, ꦏꦁ ꦩꦸꦚ꧀ꦕꦸꦭ꧀ ꦢꦢꦶ ꦱꦸꦩ꧀ꦧꦼꦂ ꦧꦚꦸ ꦲꦶꦁ ꦱꦮꦠꦫ ꦥꦁꦒꦺꦴꦤ꧀ꦤꦤ꧀ ꦲꦶꦁ ꦧꦭꦶ ꦭꦤ꧀ ꦢꦶꦲꦁꦒꦼꦥ꧀ "ꦠꦶꦂꦠ ꦱꦸꦕꦶ"
ꦮꦶꦱꦠ ꦧꦸꦢꦪ ꦏꦁ ꦲꦤ ꦲꦶꦁ ꦏꦮꦱ꧀ꦱꦤ꧀ ꦒꦸꦤꦸꦁꦧꦠꦸꦂ ꦪꦲꦶꦏꦸ ꦠꦿꦸꦚꦤ꧀. ꦱꦗꦤ꧀ ꦏꦧꦺꦃ ꦱꦶꦁ ꦤ꧀ꦢꦸꦤꦸꦁꦔꦶ ꦠꦿꦸꦚꦤ꧀ ꦔꦤꦸꦠ꧀ ꦲꦒꦩ ꦲꦶꦤ꧀ꦝꦸ ꦏꦪ ꦭꦸꦩꦿꦃꦲꦺ ꦩꦱꦫꦏꦠ꧀ ꦧꦭꦶ, ꦤꦔꦶꦁ ꦮꦺꦴꦁ ꦠꦿꦸꦚꦤ꧀ ꦔꦏꦺꦴꦤꦶ ꦪꦺꦤ꧀ ꦲꦶꦤ꧀ꦝꦸ ꦠꦿꦸꦚꦤ꧀ ꦩꦶꦤꦁꦏ ꦲꦶꦤ꧀ꦝꦸ ꦲꦱ꧀ꦭꦶ ꦮꦫꦶꦱ꧀ꦱꦤ꧀ ꦏꦫꦗꦤ꧀ ꦩꦗꦥꦲꦶꦠ꧀. ꦲꦶꦁ ꦱꦶꦱꦶꦃ ꦭꦺꦴꦂ ꦠꦿꦸꦚꦤ꧀ ꦲꦤ ꦏꦸꦧꦤ꧀, ꦪꦲꦶꦏꦸ ꦥꦼꦱꦫꦺꦪꦤ꧀ ꦢꦺꦱ, ꦲꦶꦁ ꦥꦱꦫꦺꦪꦤ꧀ ꦩꦲꦸ ꦗꦼꦤꦗ꦳ꦃ ꦲꦺꦴꦫ ꦢꦶꦏꦸꦧꦸꦂꦫꦏꦺ ꦲꦸꦠꦮ ꦢꦶꦲꦺꦴꦧꦺꦴꦁ, ꦤꦔꦶꦁ ꦢꦶꦢꦺꦭꦺꦃ ꦲꦶꦁ ꦔꦶꦱꦺꦴꦂ ꦮꦶꦠ꧀ ꦱꦮꦶꦱ꧀ꦱꦺ ꦲꦸꦥꦕꦫ ꦏꦼꦥꦠꦺꦤ꧀ ꦏꦁ ꦫꦸꦩꦶꦠ꧀. ꦥꦥꦤ꧀ ꦥꦱꦫꦺꦪꦤ꧀ ꦲꦶꦏꦶ ꦢꦶꦏꦼꦧꦏ꧀ꦏꦶ ꦢꦺꦤꦶꦁ ꦧꦭꦸꦁ-ꦧꦭꦸꦁ, ꦭꦤ꧀ ꦧꦶꦱ ꦲꦸꦒ ꦏꦶꦠ ꦠꦼꦩꦺꦴꦏ꧀ꦏꦏꦺ ꦩꦪꦶꦠ꧀ ꦏꦁ ꦲꦶꦱꦶꦃ ꦲꦚꦂ.
ꦢꦊꦁ ꦲꦸꦒ besut
ꦫꦸꦗꦸꦏ꧀ꦏꦤ꧀ besut
- ↑ http://www.vsi.esdm.go.id/gunungapiIndonésia/batur/géologi.html
- ↑ "Archive copy". Diarsip saka sing asli ing 2007-09-29. Dibukak ing 2022-02-20.
{{cite web}}: CS1 maint: archived copy as title (link)
| Wikimedia Commons duwé médhia ngenani Mount Batur. |