Gunung Kucir
Gunung Kucir yaiku jeneng siji gunung wisata kang mapan ing Kalurahan Banjarsari, Kacamatan Samigaluh, Kabupatèn Kulon Praga, Provinsi Daerah Istimewa Yogyakarta. Jarake saka Kutha Ngayogyakarta udakara 15 km. Gunung kucir kapérang saka loro gugusan, yaiku Gunung Kucir Lanang lan Gunung Kucir Wadon Gunung Kucir Lanang (luwih dhuwur) lan Gunung Kucir Wadon (pucuke dhatar) minangka loro puncak andhalan. Saka pucuk Gunung Kucir iki pendhaki bisa deleng pemandhangan kang éndah. Manawa madhep ing sisih wétan, bakal katin cetha gunung Merapi-Merbabu kang bakal nuduhaken pesonane nalika srengéngé thukul. Ing sisih kidul katon sagara kidul lan pagunungan seribu, Gunungkidul. Yèn madhep ngalor, katon pucuke Suralaya lan Gunung Sumbing. Yèn madhep ngulon, katon wit pinus kang dadi papan panggonane srengéngé angslup.