Guwa Gajah
Guwa Gajah yaiku salah sawijining guwa kang ana ing dhusun Lemahbang, Désa Mangunan, Kecamatan Dlingo, Kabupaten Bantul. Ing Kabupaten Bantul ora mung ana Guwa Gajah, ana guwa - guwa liyane kaya ta Guwa Selarong lan Guwa Cerme. Yèn arep teka ing Guwa Gajah, awakédhewe isa ngliwati dalan désa. Ana papan ing dalan kang nunjukake arah. Ananging wujud papan - papan iku ya mung sederhana amarga mung digawé warga dhusun. Dalan pinuju obyek wisata iki isih sepi banget. Lokasi lawang ngarep guwa iki ana ing sakcerake kebon lan ing antara watu - watu karst.[1]
_Rentis_Interpretif_0.1km_-_Rentis_Palas_0.2km_-_Rentis_Gua_Gajah_1km_-_Rentis_Gua_Peningat_2km_-_Rentis_Bumbun_Rimau_5km_-_Menara_Seraya_8km_-_Rentis_Berkenu_13km_-_Santuari_Kelah,_Ku_-_panoramio.jpg)
Béa lumebu
besutYèn arep lumebu ana ing wisata Guwa Gajah iki wisatawan ora perlu wedi bayar larang amarga yèn arep lumebu obyek wisata iki mung cukup bayar parkir, ora ana bayar liya - liyane.[1]
Pérangan njero
besutGuwa Gajah iki isih alami banget. Bentuke horisontal lan duwèni dawa kira - kira 150 - 200 meter. Kanggo lumebu ing sajroning guwa isa nyewa pemandu utawa lumebu dhewé. Nalika lumebu ing guwa luwih apik yèn gawa sénter amarga ing jero guwa iki peteng banget. Ing jero guwa iki ana pirang-pirang - panggonan kang dijenengi beda - beda.
Kaya ta gapura ngarep ing lawang yèn arep lumebu ana watu gedhé sing dijenengi Kyai Balad. Miturut warga, Kyai Balad yaiku abdi dalem kang nduwèni tugas jaga ing sak ngarepé guwa. Banjur yèn arep lumebu ing ruangan sepisan wisatawan kudu ngliwati lawang sing ukurané cilik. Supaya isa lumebu wisatawan kudu mbungkukake awak. Miturut wong jawa mbungkukake awak iku nduwèni filosofi. Sing sapa wae arep lumebu omah uwong kudu ngurmati wong sing nduwe omah. Carane yaiku mbungkukake awak. Ing ruangan sabanjure dijenengi lorong ula. Dijenengi mangkana amarga bentuke dawa lan mbunderi sing nyambung antara siji lan liyane.
Ana maneh pendopo, kepatihan, lan watu sing kaya baya. Ing bagian liya ana watu gedhé sing bentuké kaya endas jaran. Watu kang kaya endas jaran iku mau dijenengi Turangga sing artine jaran. Ora mung kuwi, ana manèh bagian kang diarani senthong. Senthong iku papan panggonan kanggo macak. Saya lumebu maneh ing jero guwa ana ruangan kang dijenengi Keputren. Miturut mitos ruangan iki kanggo lèren para wanita . Bentuke jeglong lan singup.
Bagian sabanjure yaiku papan abdi sing kira- kira isa kanggo 30'an uwong punjul. Ana siji papan kang dianggep sakral dening warga yaiku ruang Pamujan. Papan panggonan iki ana ing cerak dalan metu guwa. Papan iki mung diparani karo uwong sing arep mertapa, lan kepengin cerak marang Gusti.[1]
Sajarah
besutSajarah jeneng Guwa Gajah yaiku saka anane gumpalan watu ing ngisor ruang pamujan. Gumpalan watu iku kaya gajah sing duwé tlale. Amarga bentuke kaya gajah, mula warga menehi jeneng guwa iku Guwa Gajah[1]
Rujukan
besut- ↑ a b c d "Menyusuri Keindahan Tersembunyi "Perut" Goa Gajah di Bantul - Tribun Jogja". jogja.tribunnews.com. Dibukak ing 2019-11-19.