Guwa Marga Trisna
Guwa Marga Trisna yaiku salah sawijining papan wisata awujud guwa ing Kabupatèn Nganjuk. Guwa iki mapan ing Dhusun Cabéan, Désa Sugihwaras, Kacamatan Ngluyu. Guwa iku mapan kira-kira 35 kilomèter saloring Kutha Nganjuk, ambané 15 x 50 mèter. Guwa iki uga duwèni jeneng liya yaiku Guwa Lawa jalaran akèhé lawa kang ana sajroning guwa iku.[1] Papan wisata iku uga kalebu ing jinis "wana wisata'' utawa wisata sajroning alas, kang kalebu ing kawasan alas Perhutani Kesatuan Pemangkuan Hutan (KPH) Nganjuk tepaké ing petak 227b wilayah Resort Pemangkuan Hutan (RPH) Cabean, Bagian Kesatuan Pemangkuan Hutan (BKPH) Wengkal.[2]
Etimologi
besutJeneng Marga Trisna kajupuk saka rong tembung yaiku "marga" lan "trisna". "Marga" maknané iku dalan, déné "trisna" iku saka jeneng Bupati Nganjuk, Sutrisna (éjaan Indhonésia: Sutrisno). Guwa iku asliné ajeneng Guwa Lawa, biyèn dalan tumuju guwa isih arupa lemah, banjur nalika ing mangsa jumenengé Bupati Sutrisna ing tahun 1993, panjenengané nginisiasi kanggo ayasa dalan kang luwih becik tumuju guwa, uga nalika iku Guwa Lawa awit binukak minangka papan wisata, banjur saka iku jeneng guwa iku kaganti kanthi jeneng Guwa Marga Trisna.[1]
Pariwisata
besutMinangka wisata unggulan
besutGuwa Marga Trisna kalebu salah siji saka patang papan wisata kategori "unggulan" Kabupatèn Nganjuk bebarengan karo papan wisata liyané kayata, Grojogan Seduda, Grojogan Mrambat Rara Kuning, lan Taman Rékréasi Anjuk Ladang.[3]
Wayah operasional
besutGuwa Marga Trisna bukak saben dina awit jam 07.00 nganti jam 15.00, déné karcis mlebuné yaiku Rp.5000,- saben wong.[4]
Kolam renang Umbul Marga Mulya
besutSadurungé munggah ing ngendi mapané Guwa Marga Trisna, ana sawijining padusan utawa kolam renang kang sapakèt ing tlatah wisata iku. Kolam renang iku kajenengaké Umbul Marga Mulya, banyuné resik lan bening banget. Jarak antara Guwa Marga Trisna karo kolam iki kira-kira ana 650 mèter utawa 20 menit lelakon[1], dalan tumuju gowa amung bisa diaksès kanthi mlaku wae jalaran dalané kang munggah kanthi rupa tlundhakan.
Cathetan suku
besut- ↑ a b c R, Sutrisno; S, Bambang Eko (2019). Ensiklopedia Kabupaten Nganjuk. Surabaya: Wahana Ilmu. kc. 39. ISBN 978-602-19525-9-7.
- ↑ "Wana Wisata Ubalan dan Goa Margo Trisno Nganjuk di Serbu Pengunjung". Perhutani. 2020-01-04. Dibukak ing 2023-10-01.
- ↑ "Ranwa Rencana Kerja Dinas Pariwisata, Kepemudaan, Olahraga, dan Kebudayaan Kabupaten Nganjuk" (PDF). Ranwa Rencana Kerja Dinas Pariwisata, Kepemudaan, Olahraga, dan Kebudayaan Kabupaten Nganjuk: 18. 2021-07.
{{cite journal}}:|first=missing|last=(pitulung); Check date values in:|date=(pitulung) - ↑ Romanov, Madeline (2023-05-29). "Goa Margo Tresno : Harga Tiket, Foto, Lokasi, Fasilitas dan Spot". Tempat Wisata. Dibukak ing 2023-10-02.