Harriet Beecher Stowe

Harriet Beecher Stowe inggih punika salah satunggalipun jurnalis, novelis lan tokoh antiperbudakan. Novèl anggitanipun ’’’ Harriet Beecher Stowe’’’ ingkang irah-irahanipun ’’Uncle Tom’s Cabin’’ mawarni-warni ngengingi sistem perbudakan ing Amérikah Sarékat.

Harriet Beecher Stowe
c. 1870s-1880s
Lair	Harriet Elisabeth Beecher (1811-06-14)14 Juni 1811 Litchfield, Connecticut, United States
Pati	Juli 1, 1896(1896-07-01) (umur 85) Hartford, Connecticut, United States
Jeneng pèn	Christopher Crowfield
Bojo	Calvin Ellis Stowe
Anak	Eliza Taylor, Harriet Beecher, Henry Ellis, Frederick William, Georgiana May, Samuel Charles, and Charles Edward
Tandha tangan

Mangsa alit

Piyambakipun miyos minangka ’’’Harriet Beecher’’’ ing Litchfield, Connecticut, salah satunggalipun putra saking ’’’Lymen Beecher’’’, satunggalipun pendeta Protèstan. Ibunipun seds wekdal Harriet taksih gangsal taun. Para putranipun Beecher punika dipungulang kanthi tradisi agami ingkang ketat lan kanthi standar moral lan etika ingkang inggil. Nanging, ramanipun punika ugi nggegulang para putranipun supados gadhah toleransi agami lan nyengkuyung supados para putranipun punika gadhah pamanggih ingkang bébas, wantun urun rembag babagan isu wigatos ing wekdal samanten. Harriet punika siswi lan samangke dados guru ing salah satunggalipun sekolah seminari kanggé lare-lare èstri ing Kartford ingkang dipunkeloka déning sedhèrèkipun, Catherine. Sekolah punika minangka salah satunggalipun sekolah ingkang maringaken pendidikan kanthi serius tumrapipun lare-lare èstri.

Kulawarga Beecher pindah ing Cincinnati, Ohio, ing salebetipun taun 1832, wekdal ’’’Lyman Beecher’’’ inpun pasrahi minangka pimpinan Lane Theological Seminary. Prastawa punika maringi kesempatan tumrapipun Harriet saperlu mirsani sedaya akibat perbudhakan ing nagara tetangganipun, Kentucky, ingkang namung dipunpisahaken lepen Ohio. Ing taun 1836, piyambakipun dhaup kaliyan Calvin Stowe, dhosèn sastra Injil ing Lane. Kekalihipun patutan cacahipun pitu. Calvin punika tansah nyengkuyung minat Harriet tumrapipun sastra.

Karièr

Ing salawasé gangsal dasa taun, Harriet punika sampun nerbitaken buku cacahipun tigang dasa buku, kalebet ugi novèl kanggé lare-lare lan tiyang ingkang sampun diwasa, cariyos cekak, puisi, artikel kalawarti, kajian teologis, cariyos perjalanan, lan pitedah praktis babagan penataan sesemahan. Gaya cariyosipun punika '’informal’’, kados menapa tiyang gineman, kados menapa ibu menapa ugi garwa biyasa, ndhèrèk nyengkuyung kawentaripun Harriet punika. bukunipun ingkang sepindhahan inggih punika kempalan carkak kanthi irah-irahan ’’The Mayflower: Sketches and Scenes and Characters among the Descendats of Puritans (1843).

Ing taun 1850, Calvin dipunpasrahi minangka profesor ing Bowdoin College ing Brunswick, Maine.

Réferénsi

Horton, Rosalind, Sally Simmons. 2006. Wanita-Wanita yang Mengubah Dunia. Erlangga group: Jakarta.