Harry Potter and the Prisoner of Azkaban (filem)

Harry Potter lan Tahanan Azkaban utawa Harry Potter and the Prisoner of Azkaban yaiku sawijing filem taun 2004 kang nyritakaké lakoné Harry Potter ing taun kaping 3 ing Sekolah Sihir Hogwarts. Para paraga kang main ing rong filem sadurungé uga padha main manèh ing filem iki, kajaba paraga Dumbledore kang aktor sadurungé yaiku Richard Harris digantèni Michael Gambon, jalaran Harris wis tilar donya. Filem iki kaarahaké déning Alfonso Cuarón, lan filem iki kaloka minangka filem kang luwih dark tinimbang séri sadurungé.

Harry Potter and the Prisoner of Azkaban (filem)
DisutradaraniAlfonso Cuarón
DiprodhuseriChris Columbus
David Heyman
Mark Radcliffe
Ditulis déningNovèl:
J. K. Rowling
Naskah:
Steven Kloves
DibintangiDaniel Radcliffe
Rupert Grint
Emma Watson
Michael Gambon
Gary Oldman
David Thewlis
Timothy Spall
Emma Thompson
DimusikiJohn Williams
SinématografiMichael Seresin
Dibesut déningSteven Weisberg
Dibabar déningWarner Bros.
Tanggal metu
Karajan Manunggal Karajan Manunggal
31 Mei 2004
Amérika Sarékat Amérikah Sarékat
4 Juni 2004
Ostrali Australia
10 Juni 2004
Suwéné
142 menit
NagaraKarajan Manunggal Karajan Manunggal
Amérika Sarékat Amérikah Sarékat
BasaBasa Inggris
RantamanGB£66 yuta
KalarisanGB£403,45 yuta

Laku caritaBesut

Sawisé Harry nesoni Bibi Marge lan ora sengaja njalarani bibiné ngembang, banjur Harry minggat saka omahé kulawarga Dursley. Harry numpak Bis Satriya kanggo lunga menyang The Leaky Cauldron lan dhèwèké ketemu karo Mantri Sihir, Cornelius Fudge. Fudge ngandhani yèn Bibi Marge wis kasil dikempèské lan Harry ora bakal kena ukuman. Kamantrèn Sihir prasaja namung nggatèkaké tumrap kaslametané Harry, awit rikala iku lagi ramé kabar manawa rajapati aran Sirius Black kasil ucul saka pakunjaran sihir Azkaban. Kabar kang sumebar mratélakaké manawa Black iku minangka kanca kenthel kulawarga Potter lan minangka waliné Harry Potter, nanging Black kiyanat marang kulawargané Potter kanggo gabung marang Lord Voldemort, kang ora liya yaiku rajapati kang kasil matèni wong tuwané Harry. Kabar kang sumebar uga ngandharaké manawa Black iku kang wis matèni kancané dhéwé, yaiku aran Peter Pettigrew.[1]

Harry, Ron, lan Hermione bali menyang Hogwarts lan mrangguli manawa sekolahé saiki dijaga ketat déning Dementor awit kabar uculé Black saka Azkaban. Dementor iku sawijinig makluk jahat kang ngreksa pakunjaran Azkaban lan bisa nyerot rasa bungahé uwong. Makluk iki uga kang njalarani Harry semaput nalika numpak sepur Hogwarts Express, nanging begjané ana Prof. Remus Lupin, guru anyar Ngèlmu Rumeksa saka Sihir Ireng kang ngandhani manawa Harry iku luwih ringkih kenèkan upadayané Dementor jalaran Harry nduwèni kenangan tulus kang medèni ing mangsa kepungkur.[1]

Cekaking carita, Lupin lan Black ngandharaké sapa sajatiné Pettigrew. Pettigrew iku wong kang sajatiné kiyanat marang wong tuwané Harry. Harry nyegah Black lan Lupin nalika karoné arep matèni Pettigrew. Harry préntah supaya Pettigrew lunga menyang Hogwarts kanggo ngandharaké apa kang wis kasunyatané amrih ngresiki jenengé Sirius. Nanging nalikané arep padha bali menyang Hogwarts, katon rembulan purnama kang njalari Lupin malih dadi manungsa srenggala. Pettigrew kasil ucul lan Dementor mara nyerang Harry lan Sirius. Harry lan Sirius kasil slamet jalaran kareksa mantra Patronus kang pinercaya patron iku saka bapaké Harry.[1]

Banjur nalika tangi, Harry wis mapan ana kastil Hogwarts lan Black kasil dicekel. Mula kanggo nylametaké Black, banjur Harry lan Hermione migunakaké Piranti kanggo Malik Wektu lan wiwit nindakaké lelungan menyang mangsa kang wis kepungkur. Pungkasané Harry lan Harmione kasil nylametaké Sirius lan nunggang Buckbeak.[1]

Èfèk visual lan mirungganBesut

Tim kang mligi ngurusi bab èfèk visual utama ing filem iki yaiku Industrial Light & Magic (ILM) lan Framestrore, wondéné kang nggawé matéri VFX tambahan yaiku The Moving Picture Company, Cinesite, lan Double Negative.[2]

Ing wiwitan, Cuarón kepéngin ngganti CGI mawa bonéka. Dhèwèké malah wis nyéwa bonéka master Basil Twist lan nyoba-nyoba bonéka ing jeron banyon kanggo nyumurupi kepriyé laku obahé Dementor.[3] Nalika ditès lan dijupuk gambaré mawa laku kang alon, tundhoné dimangertèni yèn cara iku ora praktis. Pangawas èfèk visual Tim Burke lan Roger Guyett, tim Industrial Light & Magic VFX, lan Temime padha makarya bebarengan kanggo nggarap Dementor.[2]

PambabaranBesut

MarchandiseBesut

Filem Prisoner of Azkaban iki dadi salah sawijining barang kang bisa ngasilaké bathi kang saèmper kaya rong filem sadurungé.[4] Mula saka iku, vèrsi video game saka filem iki karumpaka déning EA UK lan dirilis ing Amérika Lor tanggal 25 Mèi 2004 lan ing Éropah tanggal 29 Mèi 2004. Saliyané iku, Mattel uga ngrilis blabag dolanan Harry Potter Championship Quidditch lan action figure.[5] Banjur LEGO nyusul ngrilis merchandise wujud Knight Bus, Shrieking Shack, lsp. Marchandise iki uga minangka nerusaké sèri sèt ing filem sadurungé.[6]

Rilis ing biyoskupBesut

Harry Potter and the Prisoner of Azkaban nggelar acara pambabaran wiwitan ing Radio City Music Hall, New York rikala tanggal 23 Mèi 2004,[7] banjur uga ing Leicester Square, London rikala 30 Mèi 2004.[8] Filem iki banjur dibabar resmi ing Inggris tanggal 31 Mèi 2004 lan ing Amérikah Sarékat tanggal 4 Juni 2004.

Sarana médhia omahBesut

Harry Potter and the Prisoner of Azkaban uga dirilis ing manéka warna wujud sarana, ing sepisanané dibabar ing wujud VHS lan DVD.[9] Banjur kasusul 2 disk mligi kang kababar ing DVD lan Blu-ray.[10] Saliyané iku, filem iku uga cumawis ing wujud Ultra HD Blu-ray (4K).[11]

ParagaBesut

  • Daniel Radcliffe minangka Harry Potter
  • Rupert Grint minangka Ronald Weasley
  • Emma Watson minangka Hermione Granger
  • Michael Gambon minangka Albus Dumbledore
  • Gary Oldman minangka Sirius Black
  • Maggie Smith minangka Minerva McGonagall
  • Alan Rickman minangka Severus Snape
  • David Thewlis minangka Remus Lupin
  • Robbie Coltrane minangka Rubeus Hagrid
  • Emma Thompson minangka Sybill Trelawney
  • Warwick Davis minangka Filius Flitwick
  • David Bradley minangka Argus Filch
  • Robert Hardy minangka Cornelius Fudge
  • Tom Felton minangka Draco Malfoy
  • Richard Griffiths minangka Vernon Dursley
  • Fiona Shaw minangka Petunia Dursley
  • Harry Melling minangka Dudley Dursley
  • Pam Ferris minangka Bibi Marge
  • Timothy Spall minangka Peter Pettigrew
  • Julie Christie minangka Madam Rosmerta
  • Mark Williams minangka Arthur Weasley
  • Julie Walters minangka Molly Weasley
  • Matthew Lewis minangka Neville Longbottom
  • James Phelps minangka Fred Weasley
  • Oliver Phelps minangka George Weasley
  • Chris Rankin minangka Percy Weasley
  • Bonnie Wright minangka Ginny Weasley
  • Devon Murray minangka Seamus Finnigan
  • Joshua Herdman minangka Gregory Goyle
  • James Waylett minangka Vincent Crabbe
  • Lee Ingleby minangka Stan Shunpike
  • Dawn French minangka Nyonya Gemuk
  • Geraldine Somerville minangka Lily Potter
  • Adrian Rawlins minangka James Potter
  • Peter Best minangka Walden MacNair (legojo)
  • Lenny Henry (suara) minangka kepala mengkerut (ing bis satriya)

Deleng ugaBesut

RujukanBesut

  1. a b c d Harry Potter and the Prisoner of Azkaban (2004) - IMDb, dibukak ing 2020-07-04
  2. a b "About the Production of Harry Potter and the Prisoner of Azkaban". www.hollywoodjesus.com. Dibukak ing 2020-06-16.
  3. "Potter movie producer reflects on the franchise". www.ew.com. 2008-05-29. Dibukak ing 2020-06-16.
  4. "J.K. Rowling And Her Magical Cash Cow". Forbes (ing basa Inggris). Dibukak ing 2020-06-16.
  5. "Hot in 2004: TV toys, Barbie, licensed toys - Feb. 10, 2004". money.cnn.com. Dibukak ing 2020-06-16.
  6. "Row M". rowm.com. 2013-03-16. Dibukak ing 2020-06-16.
  7. "Potter star mobbed at US premiere" (ing basa Inggris). 2004-05-24. Dibukak ing 2020-06-16.
  8. "Something "Wicked"". www.cbsnews.com (ing basa Inggris). Dibukak ing 2020-06-16.
  9. "VHS Harry Potter 3". www.amazon.com. Dibukak ing 2020-06-16.
  10. "DVD Harry Potter 3". www.amazon.com. Dibukak ing 2020-06-16.
  11. "UHD Blu-ray Harry Potter 3". www.amazon.com. Dibukak ing 2020-06-16.