Hendradi

Hendradi lair ing Jepara, 25 April 1924. Dhéwéké minangka Ketua DPRD Kodia Semarang warsa 1987-1992. Tilasan pajuang kamerdikan kang pernah dadi Letnan Muda ing Devisi Ronggolawe, Pambantu Letnan, Letnan II nalika ana ing Komisi Gatot Soebroto, lan pensiun dadi Letnan Kolonel kalebu pamuda kang nduweni rasa Nasionalisme kang kuat banget. Perkara kuwi bisa didelok saka saperangan paperangan kang wis dimeloni dheweke. Antarané yaiku Pertempuran Lima Hari Semarang taun 1945, Perang Kemerdekaan kang kapisan ing taun 1947-1948 ing desa Duduk, Lamongan.

Filsafah

Filsafah ingkang dianut Hendradi yaiku filsafah nJawani. Filsafah kuwi bisa disimak ana ing tembang "Pocung", yaiku:

Dédalané guna lawan sekti kudu andhap ashor, tegesé manungsa kudu wiguna lan jaya, manungsa kudu menep ing rasa marang liyan.

Wani ngalah luhur wekasané, tegese luwih apik ngalah supaya becik ing pungkasan.

Tumungkula lamun didukani, tegesé nalikane entuk sengenan saka bendarané. meneng waé, aja nganti mbrontak.

Ana bapang den simpangi, ana catur mungkur, tegese nalika ana alangan kudu den simpangi, lan nalikané ana sing ngomongké kaelekan liyan luwih apik diadohi.