Hera (basa Yunani: Ἥρα utawa Ἥρη) yaiku dewi pernikahan ana ing mitologi Yunani.[1] Hera iku mbakyu lan uga garwa saka Zeus.[1] Hera yaiku putra saka Kronos lan Rea lan kalebu siji saka 12 Déwa Olimpus.[1] Ana ing mitologi Romawi, Hera dihubungke karo Juno.[1] Sapi lan merak yaiku kéwan kang dikeramatake kanggo Hera.[1] Hera digambarake kaya dewi kang kebak hikmat.[1] Hera sok ditahtake lan dinobatake karo polos (makutha awujud lingkaran kang mung dianggo déning dewi-dewi agung).[1] Hera kaloka karo sipaté kang cemburuan lan pendendam, mligi marang selingkuhan lan anak-anak Zeus.[1] Hera uga tau murka marang Pelias amarga matèni wong ana ing kuil Hera[1]. Hera uga naté murka marang Paris kang ora milih Hera dadi putri paling ayu lan luwih milih Afrodit dadi putri kang paling ayu.[1]

Ètimologi besut

Walter Burkert madakake jeneng Hera karo hora (‘ωρα, mangsa).[1] Ana uga panemu kang nyatakaké yèn Hera iku minangka wujud feminin saka hērōs (‘ηρως, tuan).[1] Nanging John Chadwick, pengurai Linear B, negesake yèn gegandhèngané Hera karo 'hero' iku ora cetha[2] Ing Linear B dhéwé, Hera karan karo jeneng E-ra.[1]

Cathetan suku besut

  1. a b c d e f g h i j k l m Burkert, hlm. 131.
  2. Chadwick, The Mycenaean World (Cambridge University Press) 1976:87.

Cithakan:Déwa Dewi Yunani