Holofèrnes

Ing kitab deuterokanonika, sajroning Kitab Yudit, Holofèrnes (Yunani: Ὀλοφέρνης; Hebrew הולופרנס) iku sawijining sénapati bawahing Prabu Nebukadnésar. Nebukadnésar ngirim Holofèrnes menyang kulon kanggo males para bangsa sing ora gelem nulungi awaké. Holofèrnes banjur ndhudhuki kabèh bangsa sairinging pasisir lan ngrusak kabèh brehala supaya kabèh iku padha nyembah Prabu Nebukadnésar waé. Holofèrnes banjur diélikaké déning Akhior, pesirahé putra Ammon, ajaa nglawan bangsa Yahudo. Holofèrnes lan para balané nepsu marang Akhior, dhèwèké disrengeni menawa ora ana Déwa liya saliyané Nebukadnésar.

Lukisan Artemisia Gentileschi Giuditta decapita Oloferne

Lukisan CaravaggioYudit anigas sirahé Holofèrnes.

Sang sénapati banjur ngupengi Bethulia arep mbedhah kutha iki. Holofèrnes banjur megat iliné banyu menyang Bethulia. Wong-wong ing kutha dadi arep nyerah lan nuntut Ozias, pesirahé supaya nyerah waé. Banjur para pesirah janji bakal nyerah sajroning limang dina menawa ora olèh pitulung.

Nanging Bethulia bisa dislametaké déning Yudit, sawijining randha Ibrani sing bisa lumebu ing téndhané Holofèrnes lan ngrayu awaké. Yudit banjur anigas guluné Holofèrnes nalika lagi mendem. Yudit bali menyang Bethulia karo nyangking sirahé Holofèrnes. Wong-wong Ibrani banjur bisa ngalahaké satruné.