Isep Misbah inggih punika satunggaling tiyang ingkang panemu fon uga bisa diarani jinis huruf LPMQ Misbah. Jinis huruf LPMQ Misbah inggih punika satunggaling jinis huruf dipunginakaken kanggé nyérat mushaf Al-quran kanthi standhar Indonésia. Dipuncaosi jinis huruf LPMQ Misbah amargi ingkang nemokaken inggih punika Isep Misbah. Jinis huruf LPMQ Misbah kadadosan saking 300 pethikan kaligrafi arab, ingkang ngamot huruf tunggal, pethikan huruf, sambungan harakat, saha tanda waosipun. Pandamelan jinis huruf punika dipuninisiasi déning Tim Teknologi Informasi (TI) LPMQ. Wonten ing akhir 2017, Isep Misbah dipunsuwun damel kaligrafi Arab. Sadangunipun 2 wulan, Isep Misbah nyerat sarangkaian huruf, tanda waos, pethikan huruf, saha ubarampé sanèsipun wonten ing dlancang putih. Salajengipun Tim TI ngrekam visual huruf-huruf kala wau kanthi digital, nata ulang wonten ing layout standar lajeng dipunolah dados aplikasi wonten ing komputer.[1]

Kauripan besut

Isep Misbah lair wonten ing Sukabumi, 7 Maret 1974. Garwanipun satunggal, namanipun Lina Saparlina (42th) saha gadhah 3 putra kanthi nama M.Fajar Alfany (16th), Aufa Ramadhany (14), saha Aisha Noor Agela (8th).

Wiyata besut

Isep Misbah sampun naté sekolah wonten ing SD N Bojong 1 Cikembar, Sukabumi, Jawa Barat (1986) lajeng wonten ing Mts Pondok Modern Assalam, Sukabumi, Jawa barat (1990), MA Pondok Modhérn Assalam, Sukabumi, Jawa Barat (1993), saha kuliah wonten ing Fakultas Sastra dan Humaniora Universitas Islam Negeri Syarif Hidayatullah, Jakarta (2000)

Pagawéan besut

Padintenanipun Isep Misbah nyambut damel minangka kaligrafer panyerat mushaf Al-Quran, juri wonten ing lomba kaligrafi, pengajar wonten ing Lembaga kaligrafi Al-Quran (Lemka) di Ciputat saha Pesantrén Kaligrafi Lemka Sukabumi, saha Pendiri saha pemimpin Noqtah Art.

Préstasi besut

Isep Misbah dipunpitaya damel rumusan fon kasebut amargi Isep Misbah punika sampun gadhah rèputasi nasional, menapa déné internasional. Misbah gadhah rekam jejak ingkang wiyar wonten ing tradisi seni khat Arab.

Wonten ing nasional, Isep naté dados juara 1 kaligrafi golongan naskah wonten ing Musabaqah Tilawatil Quran (MTQ) warsa 2000, dipunsusul juara 1 dekorasi MTQ 2003. Wonten ing kancah internasional, Isep Misbah naté dados juara antawisipun International 8th Calligraphy Competition wonten ing Turki (2007), International Al-Burda Award wonten ing Uni Emirat Arab (2010), Mahrajan Assafeer IV wonten ing Irak (2015), saha Mustaqbal Asaatidzah wonten ing zeytinburnu, Turki (2017).

Nyerat mushaf besut

Anggenipun nyerat, Isep punika wiwit warsa 2016. Isep punika dipundhawuhi dados panyerat mushaf Al-quran kanthi standar Indonésia. Seratan tangan Isep punika saé sanget kanthi ngginakaken gaya klasik saha modern ingkang anggun. Sadangunipun 3 warsa punika, Isep sampun nyerat 22 juz. Taksih kirang 8 juz, Isep mathok manawi proyek punika badhé dipunrampungaken 2019 punika.[2] proses nyerat mushaf dipunwiwiti kanthi nyelupaken péna (saking biang ijuk aren) wonten ing tinta cemeng, lajeng dipun-urataken aksaranipun satunggal baka satunggal wonten ing kertas karton pethak. asta kiwanipun damel arah supados seratanipun rapi. manawi wonten kalepatan panyeratan Isep kedah ngambali saking ngajeng satunggal lembar punika. seratan ingkang sampun rampung lajeng dipunpotrèk lan dipunkintun wonten ing Lajnah Pentashihan Mushaf Al-Quran supados saged dipunkoreksi malih. seratanipun Isep punika Gamblang, Lancip, luwes, saha wonten ritme ingkang runtut saha renggang saengga gampil anggènipun maos.

Kaligrafi Minangka Upiya besut

Isep Misbah ngrembakakaken kaligrafi punika minangka upiya sasami kaligrafer. Kalihan sapérangan kanca, Isep upiya jasa damel kaligrafi. Wonten ing tahap énggal Isep saha kancanipun nyanggepi pesenan kaligrafi dekorasi wonten ing masjid-masjid kawasan Jakarta saha sakiwa tengenipun. Isep saha kanca-kancanipun nate kénging tipu, saking punika Isep boten nyerah malah sansaya semangat.

Wonten ing warsa 2000 isep saha kancanipun ngedekaken perusahaan Noqtah Art. Saking panyuwunipun pelanggan, medium garapanipun sansaya kathah ragamipun saking tinta, cat, lukisan kanvas, tripleks, stainlees steel, kuningan, tembaga, gypsum, saha beton. Kaligrafinipun saha kathah wujudipun, kadosta seratan kertas, lukisan, ornamèn tembok, partisi, ukiran, menara, jendela, lawang, utawi kubah. Upiya Noqtah punika sampun ngrembaka, sapunika sampun wonten 40 pekerja ingkang kasebar wonten ing Pondok Aren (Tangerang Selatan), Sawangan (Depok, Jawa Barat), saha Lampung. Pesanan kaligrafi punika boten naming saking Nusantara kemawon ananging ugi saking Malaysia saha Brunei Darussalam.

Seni kaligrafi boten naming maringi kabungahan spiritual saha material tumrap Isep Misbah. Minangka Kaligrafer Isep Misbah boten namung ngasilaken khat ingkang saé ananging ugi dipuntuntut gadhah solah bawa sesaé seratanipun.

Rujukan besut

  1. Khoiri, Ilham (2018-06-11). "Isep Misbah, penulis Mushaf Al-Quran". kompas. Dibukak ing 2019-10-04.[pranala mati permanèn]
  2. Intan, Novita (2018-04-13). "LPMQ Luncurkan Font Isep Misbah untuk Penulisan Alquran". Republika.co.id. Dibukak ing 2019-10-10.