Ismoe Rianto

Ismoe Rianto[1] (lair 21 Agustus 1942) yaiku pénsiunan polisi kang nyambi dadi penulis. Salah sawijining karya tulisané Ismoe yaiku awujud crita sambung kaya ta "Katresnan Wong Tresna", "Teater Durung Dadi", "Nungkul", "Nalusur", "Mulih", lan sakpanunggalané.

KauripanBesut

Ismoe Rianto lair ing Malang, Jawa Wétan. Dhèwèké sekolah ana ing SR taun 1950-1956, SMP Kristen I taun 1956-1959, lan STM taun 1959-1962. Setaun sakwisé lulus saka STM, Ismoe ketampa ana ing jajaran kepolisian Surabaya (wiwit 1963). Ana ing taun 1968, Ismoe nikah karo C. Sri Handini lan nduwèni anak wadon ajeneng Sri Purwanti. Ismoe sakulawarga nganut ajaran Kristen Protéstan.

Taun 1973, Ismoe ngadekaké kelompok penulis kang dijenengi "6 Januari 73 Art". Taun 1977, dhèwèké mèlu ngadekaké PPSJS lan dadi Ketua Umum PPSJS wektu kui. Ismoe pensiun saka kepolisian ana ing taun 1991, nanging dhèwèké tetep nerusaké anggoné nulis karya sastra kaya ta "Ing Pasar Turi", "Kesandung Dulur Tuwa", "Warijo BA", "Botol Nomer Pitu", "Omah Pojok", "Ngadep Ngalor", "Bu Guru Sudarwati", "Koruptor", lan "Layang Tanpa Prangko".

RujukanBesut

  1. Prabowo, Dhanu Priyo.; Rahayu, Prapti, 1959-; Balai Bahasa Yogyakarta (Indonesia) (2010). Ensiklopedi sastra Jawa (Cet. 1 ed.). Yogyakarta: Kementerian Pendidikan Nasional, Pusat Bahasa, Balai Bahasa Yogyakarta. ISBN 9789791852357. OCLC 801810329.CS1 maint: multiple names: authors list (link)