Jared Joseph Leto (/lɛt/; lair 26 Dhésèmber 1971) iku aktor lan penyanyi-panulis lagu saka Amérikah Sarékat. Bar ngwiwiti kariré menthungul ing tivi nalika wiwitan 1990, Leto diakoni saka lakoné minangka kadhapuk dadi Jordan Catalano ing sèri tipi My So-Called Life (1994). Dhèwèké gawé dhebut ing filem  How to Make an American Quilt (1995) lan nrima ulasan apik tumrap prèjèngane ing Prefontaine (1997). Leto dadi aktor pambantu ing The Thin Red Line (1998), Fight Club (1999) lan American Psycho (2000), karo dadi lakon ing Urban Legend (1998), lan nglumpukaké pangalem kritis bar ndhapuk pecandhu héroin Harry Goldfarb ing Requiem for a Dream (2000). Dhwèwèké banjur migatèni terus-terusan tumrap karir musiké, mbalik ndhapuk ing Panic Room (2002), Alexander (2004), Lord of War (2005), Lonely Hearts (2006), Chapter 27 (2007), lan Mr. Nobody (2009). Ing 2012, dhèwèké nyutradarani filem dhokumènter Artifact.

Jared Leto (2018)

Dhapukané Leto dadi wadon tranjèndher ing Dallas Buyers Club (2013) nggawé dhèwèké éntuk Academy Award, Golden Globe Award, lan Screen Actors Guild Award kanggo Best Supporting Actor. Leto dianggep bisa dadi aktor mètodhe, saka pangabdian lan risèté sing ajeg tumrap lakoné. Dhèwèké kerep njiwani banget karakteré sajeroning jadwal suting filemé, kepara kanthi mrabawani kasarasané.[1] Dhèwèké uga dikenal milih-milih babagan lakon filemé.[2]

Leto iku pokalis utama, multi-intrumentalis lan panulis lagu utama ing Thirty Seconds to Mars, grup bèn sing dhèwèké wujud nalika 1998 ing Los Angeles, California, bareng kakangé Shannon Leto. Album dhebuté, 30 Seconds to Mars (2002), dibabar lan nampa ulasan apik nanging mung nrima sitik kasuksèsan.[3] Bèn iki dadi kondhang sadonya saka rilisé album kapindho A Beautiful Lie (2005). Banjur album-album sak lebaré, This Is War (2009) lan Love, Lust, Faith and Dreams (2013), nrima luwih-luwih kasuksèsan.[4] KalaSeptember 2014, bèné kasil ngedol punjul 15 yuta album ing sadonya.[5] Leto uga nyutradarani vidhio musik, kalebu sing menangaké MTV Video Music Award kaya ta "The Kill" (2006), "Kings and Queens" (2009), lan "Up in the Air" (2013).

Cathetan besut

  1. Whitham, Alexis. "Fantastic Transformations". California Film Institute. Diarsip saka sing asli ing February 2, 2014. Dibukak ing January 24, 2014.
  2. Bentley, Rick (November 20, 2013). "Jared Leto gave his pounds of flesh for 'Dallas Buyers Club' role". The Fresno Bee. Diarsip saka sing asli ing February 22, 2014. Dibukak ing January 24, 2014.
  3. Winwood 2012, kc. 22.
  4. Hall, David (October 9, 2013). "Thirty Seconds to Mars rises to new heights". The Orange County Register. Dibukak ing January 28, 2014.
  5. Papadatos, Markos (September 27, 2014). "Jared Leto performs new single 'Do or Die' on 'Ellen'". Digital Journal. Dibukak ing September 28, 2014.