Jaringan Pangilangan Polutan Internasional

Jaringan Pangilangan Polutan Internasional (Inggris: International Pollutants Elimination Network, dicekak IPEN) (sadurungé aran Jaringan Pangilangan POP Internasional, International POPs Elimination Network) ya iku sawiji jaringan global lembaga swadaya masarakat kang ngabdi marang tujuan nyawiji saperlu ngilangi polutan, kaya ta timbal ing cèt, mèrkuri lan timbal ing lingkungan, polutan organik persisten (POP), bahan kimia kang ngganggu sistem endokrin, lan dat-dat mbebayani liyané.^[1]^[2]

IPEN dumadi saka lembaga-lembaga swadaya masarakat kanggo kapentingan umum kang nyengkuyung pangilangan POP skala global lumantar Konvènsi Stockholm, makarya kanggo mangaribawani patrapan konvènsi Rotterdam lan Basel, saha Konvènsi Minamata babagan Mèrkuri.^[3]

IPEN ndarbèni punjul 550 lembaga swadaya masarakat ing 120 nagara kang makarya bebarengan ngilangi polutan mbebayani kanthi gelis saha adil sacara sosial. Misi iki ancasé supaya nagara-nagara ing dunya mrodhuksi lan nganggo bahan kimia kang ora mbebayani kasarasaning manungsa lan lingkungan manèh, saha polutan organik persisten (POP) lan bahan-bahan kimia sajinisé ora nyemari lingkungan enggonan lan global.^[3]

Uga delengen

Rujukan

↑ "New Name Better Reflects Breadth of IPEN's Work". IPEN. Dibukak ing 12 Mèi 2023.
↑ DiGangi, Joseph (2006), International POPs Elimination Project (IPEP) Final Performance Report (PDF)
↑ ^a ^b "IPEN". IPEN. Dibukak ing 12 Mèi 2023.

Pranala jaba

Situs wèb resmi IPEN

Artikel iki minangka artikel rintisan. Kowé bisa ngéwangi Wikipédia ngembangaké.

[1] "New Name Better Reflects Breadth of IPEN's Work". IPEN. Dibukak ing 12 Mèi 2023.

[2] DiGangi, Joseph (2006), International POPs Elimination Project (IPEP) Final Performance Report (PDF)

[about-ipen-3] "IPEN". IPEN. Dibukak ing 12 Mèi 2023.

[1]

[2]

[3]