Jayaningrat (Patih Surakarta)
Raden Adipati Jayaningrat ya iku pepatih ing Surakarta ing taun 1710-1722 J (1784-1796M). Saka uruting trah, RA Jayaningrat turun saka Sultan Agung kanthi urutan Sampeyan dalêm Ingkang Sinuhun Kangjêng Sultan Agung Prabu Anyokrokusumo ing Mataram, pêputra Pangeran Ronggo ing Kajiwan, pêputra R.Ay.Tmg. Alap-alap, pêputra R.Rg.Tanpapulas II, pêputra R.Rg.Gêndèrêh (Kêndhèrèh,) pêputra R. Suratirta, pêputra R.Tmg. Suradirja wadana patrol ing Surakarta, pêputra K.G.P.Adp. Jayaningrat.[1] Dene Rangga Tanpapulas II putrane Radèn Tumênggung Alap-alap, Radèn Rangga Tanpapulas I, Pangeran Dêmang Tanpanangkil, Pangeran Rangga, Kyai Agêng Mataram (= Pamanahan).[2]
Anggone kalungguhan pepatih ya nglungsur saka maratuwane, ya iku Adipati Sindureja II[3]. Sawise 12 taun dadi patih banjur lèrèh, seda sumare ing Astana Gadhingan, Cangkringan.[4]
Rujukan besut
- ↑ Purwosastro. Buku Sedjarah Sampejan Dalem Ingkang Sinuhun Kangdjeng Susuhunan Paku Buwono VII ing Surakarta - 1955 (ing basa Jawa).
- ↑ Padmasusastra. Layang Bauwarna - 1898 (ing basa Jawa).
- ↑ Upaya, Citra. Serat Nayakatama - 1930 (ing basa Jawa).
- ↑ "KISAH PENJAGA MAKAM: Demi Adipati, Mbah Dirjo Rela Tak Digaji". Solopos.com (ing basa Indonesia). 2012-09-05. Dibukak ing 2020-06-22.