Jean-Claude R. Galey
Jean-Claude R. Galey ya iku ahli antropologi saka Paris, Prancis, kalairan taun 1946[1]. Galey naté olèh pandhidhikan pawiyatan luhur saka Sorbonne (BA) taun 1969 lan MA taun 1970. Sabanjuré ing Paris X-Nanterre, olèh gelar Ph.D. taun 1973[2]. Panlitian lapangan kang dilakoni dhèwèké ya iku ana ing Kamerun lor taun 1970, Himalaya kulon, Indhi taun 1974, 1977, lan 1985[1]. Uga ana ing pantaé Karnataka taun 1987, 1992, lan rajasthan taun 1999. Karya-karya akademis kang sinerat déning dhèwèké ya iku antarané Kingship and the Kings (1990) lan ‘L’Homme en nature. Hindouisme et pensée sauvage’ ana ing buku Les Sentiments de la nature (ing basa Inggris: Sentiments and Nature) taun 1994[1]. Jean-Claude iki duwé pisumbangan ngembangaké tradisi antropologis saka R.H. Lowie kang nuduhaké filosofi Prancis marang sosiologi. Jean-Claude uga murid saka Lévis-Strauss lan L. Dumont. Dhèwèké uga dadi èditor kang pertama ing Social Anthropology (Cambridge University Press) taun 1990-2000[1].
Rujukan besut
- ↑ a b c d Amit, Vered (2004). Biographical dictionary of social and cultural anthropology. London: Routledge. kc. 264. ISBN 020364459X. OCLC 436848672.
- ↑ "Jean-Claude Galey". ceias.ehess.fr (ing basa Prancis). Dibukak ing 2018-01-12.