Jipsin
Jipsin (짚신) ya iku jinis sandhal tradhisional Koréa kang digawé saka dami.[1][2] Tembung jipsin uga kanggo ngarani sandhal tradhisional kang digawé saka kain lan rami.[1] Jipsin iku sandhal sing kalebu ing jinis yi (이, 履) utawa jinis sandhal kang cendhak.[3] Jenengé sandhal iki ana manéka warna gumantung saka bakal kang dianggo, kaya ta samsin, wanggolsin, cheongol jisin, lan budeulsin.[3] Sandhal jipsin wis dianggo wong Koréa udakara kawit jaman Kraton Telu (37 SM - 668 M).[1] Ing pirang-pirang lukisan kuna, kerep digambaraké sawijining wong lelana kang lelungan nggantungaké sandhal daminé menyang gegeré.[1] Ing mangsa Dinasti Joséon (1397-1910) akèh kawula nganggo jipsin minangka tatakan sikil saben dinané.[1] Ing mangsa iku, kawula Koréa akèh kang nyambut gawé minangka tani, mula dami kanggo nggawé jipsin gampang tinemu.[1] Adaté wong-wong mau gawé jipsin ing mangsa atis, nalika ora lunga tegal saperlu nandur.[1]
| Jipsin | |
|---|---|
 | |
| Jeneng Koréa | |
| Hangul | 짚신 |
| Alihaksara Koréa Kang Sinampurna | jipsin |
| McCune–Reischauer | chipsin |
Ing panggawéné, pérangan tatakan dirajut luwih dhisik, banjur pinggirané.[1] Jipsin digawé rada longgar lan nutupi pérangan driji tekan tengahing sikilé wong kang nganggo.[1]
Cathetan suku
besut- ↑ a b c d e f g h i An Illustrated Guide to Korean Culture - 233 traditional key words. Seoul: Hakgojae Publishing Co. 2002. kc. 136–134. ISBN 89-8546-98-1.
{{cite book}}: Check|isbn=value: length (pitulung) - ↑ Jipsin, Korean straw shoes, joongangdaily. Diundhuh tanggal 10 Juni 2010.
- ↑ a b "짚신" . Empas / EncyKorea.
| Artikel iki minangka artikel rintisan. Kowé bisa ngéwangi Wikipédia ngembangaké. |