John Lombe

John Lombe inggih punika pamintal sutra saking abad kaping 18 ing Derby, Inggris.

Potrèt John Lombe ing Kreteg Exeter ing Derby

Biografi

Lombe wiyos wonten ing Norwich ing taun 1693, putra saking penenun wol. John Lombe punika ingkang paling enèm saking kakang kuwalonipun, Thomas Lombe. Bibar sédaning kakangipun John Lombe dados penyadé sutra ing Norwich lan London. Ing wiwitan abad kaping 18, pusat produksi kaos kaki stoking pindhah dhateng tlatah Midlands saking London lan kabetahan sutra gelondongan langkung saking pasokan ingkang wonten. John Lombe sampun pikantuk pakaryan ing pabrik pamintalan sutra ingkang boten kasil dipunyasa ing Derby déning insinyur lan panemu kondhang George Sorocold kanggé Thomas Cotchett "sang pemintal" saking Derby. Pamintalan dipundamel ing Lèpèn Derwent kutha Derby. Punika saged dugi ingkang dados conto kapisan bilih para pekerja nyambut damel ing satunggal empyak (payon) mawi mesin ingkang dipunobahaken déning tenaga sanès manungsa.

Tiyang Italia sampun ngginakaken pamintal mawi tenaga mesin saking wiwitan abad kaping 17 mawi dèskripsi ingkang dipunandharaken déning Vittorio Zonca. Leonardo Da Vinci gadhah skétsa kanggé modhèl ingkang sami, nanging langkung jangkep modelipun. John dipunkintun déning sedhèrèkipun kanggé neliti mesin pamintal Italia ingkang saged ngasilaken organzine (benang sutra ingkang kuwat asil saking pintalan). Organzine wigati supados saged ngasilaken kain sutra ingkang saé. Lajeng John Lombe pikantuk pakaryan ing salah satunggaling toko Italia ingkang wonten mesin pamintal sutra rahasia. Kanthi ndelik-ndelik piyambakipun mlebet ing toko nalika wanci dalu lan nggambar mesin mau kanthi dipunpadhangi lilin. John Lombe lajeng mbeta rancangan mau dhateng Inggris ing taun 1716.

Pamintalan Lombe

Pabrik pamintalan sutra Lombe ing Derby, sapunika dados Musiyum Industri Derby

John Lombe mlebetaken Sorocold kanggé yasa pabrik ingkang langkung agemg lan énggal ing lahan lawas wonten ing Derby. Pamintalan Lombe rampung dipunyasa ing taun 1722, nalika taun sédanipun John Lombe. Piyambakipun séda kanthi dadakan. Miturut legénda, Raja Sardinia bibar mireng kasilipun John Lombe mau lajeng ngirim pembunuh bayaran kanggé dhateng Inggris lan matèni John Lombe lan sedhèrèkipun. Miturut prakiraan piyambakipun dipunparingi racun déning satunggaling wanita (prakiraan saking Italia) ingkang medal sadèrèngipun John Lombe séda. Thomas Lombe pikantuk gelar kebangsawanan ing taun 1727. Nalika taun 1732 masa patèn telas lan panyuwunan kanggé dipunlajengaken boten kasil. Pérangan punika dados wiwitan kasiling produkis saking pabrik ingkang pikantuk tenaga terus-terusan ing donya. Setunggaling modhèl saking pamintalan kapas déning Richard Arkwright ing Cromford lan Pamintalan Lembah Derwent dados pratandha wiwiting sistem pabrik. Minangka pengetan saking kasuksesan mau, piyambakipun angsal sumbangan £14,000 kanggé nyiapaken modhèl mesin ingkang dipunpameraken ing Menara London supados paring idé dhateng indhustri sanèsipun. Piyambakipun séda ing taun 1739 lajeng yasan dipunsadé marang Samuel Lloyd lan William Wilson. Pamintalan sutra kalajengaken dumugi taun 1890 nalika sapérangan yasan ambrol.

Pamintalan Sutra sapunika

Pabrik pemintalan sampun dipunyasa bola-bali lan pindhah tangan. Nanging modifikasi struktur utami taksih wonten lan dipunrestorasi dhateng yasan ing Museum Industri Derby. Satunggaling relief saking John Lombe wonten ing Kreteg Exeter

Cathetan suku

• Cooper, B., (1983) Transformation of a Valley: The Derbyshire Derwent Heinemann, republished 1991 Cromford: Scarthin Books