Wikipédia

Joseph Whittaker (botanis)

Joseph Whittaker (1813–1894) inggih punika nimpuna botani Inggris ingkang sowan dhateng Australia taun 1839. Whittaker mbeta 300 taneman saking lelampahan kanggé Kebon Botani Kew[1] lan 2.200 taneman Inggris ingkang dipungaringaken ing Musiyum lan Gladri Seni Derby.[2]

Joseph Whittaker
Lair1813
Breadsall
Pati1894
PadununganFerriby House, Morley
BangsaInggris
Wiyataperawat
Pakaryanguru sekolah, perawat
Kondhang ingTaneman Ostrali, Taneman Derbyshire
BojoMary

Biografi besut

Masa enèm besut

Tanggal wiyosipun Whittaker boten dipunmangertosi. Joseph Whittaker dipunbaptis ing Quarndon celak Derby tanggal 8 Fèbruari 1813. Bapakipun ingkang ugi gadhah nama Joseph punika buruh, krama kaliyan Sarah.[3] Ugi naté dipuncariyosaken wiyos ing kutha Breadsall taun 1815 [4]

Ahli botani Australia besut

 
Adelaide taun 1839 nalika Whittaker dados tukang taman

Nalika taun 1838 Whittaker nyebat pakaryanipun minangka "tukang keboun" nalika piyambakipun nglayar kaliyan majikan énggal Letnan Kolonel George Gawler ingkang lajeng dipuntunjuk dados Gubernur Australia Kidul ingkang kaping 2. Whittake kaliyan 7 karyawan sanèsipun saking Derbyshire, Gawler lan garwa ugi laré-larénipun dugi ing Pestonjee Bomanjee tanggal 12 Oktober 1838 ing Adelaide. Tiyang-tiyang mau lelampahan sekawan wulan ngliwati Tenerife lan Rio de Janeiro.[5] Nalika Whittaker lan Gawler dugi lajeng rumaos bilih kawontenanipun sansaya boten saé, saéngga ing kebon boten dados tujuan ingkang utami.[6]

 
Cos Fishing Station ing Encounter Bay taun 1838 bibar William Light

Joseph Whittaker dipunmangertosi saking tuwuhan ingkang piyambakipun kolèksi ing kiwa-tengené Adelaide, Australia Kidul taun 1839-1840. Nalika Joseph Whittaker nembé cuti, piyambakipun tindak dhateng kathah papan wonten ing Australia Kidul lajeng ngempalaken manéka jinis conto taneman. Kalebet Gunung Lofty Ranges, Gunung Jagged, Lèpèn Torrens, Lèpèn Murray lan Lèpèn Hindamarsh. Whittaker dados tiyang kapisan ingkang remen ngempalaken saking distrik pagunungan Peninsula Fleurieu, Teluk Encounter lan Gunung Barker.[7] Whittaker mapan wonten ing Australia Kidul 19 wulan sadèrèngipun kondur mawi kapal Katherine Stuart Forbes ingkang kesah saking Pelabuhan Adelaide tanggal 11 April 1840. Ing lelampahan mau kapalipun mampir kaping sekawan wonten ing Pulo Kanguru, Mauritius, St Helena, lan Pulo Corvo ing Azores. Whittaker ngoleksi lan ngawetaken sapérangan conto taneman nalika kapalipun mampir ing pelabuhan-pelabuhan mau.[8]

Ahli Botani Derbyshire besut

 
Orchis morio (Anggrek mawi kelopak ijo). Satunggaling koleksi Whittaker ing herbarium Museum Derby

Whittaker dumugi ing Inggris tanggal 23 September 1940 lan saking taun 1844 wiwit ngempalaken taneman malih. Piyambakipun ngolèksi ing kathah papan ing Derbyshire, nanging kadangkala lelampahan dhateng njawi tlatah kados Bulwell, Nottinghamshire, Rhyl, lan Denbigh ing Wales.[9] Ing taun 1846 Joseph Whittaker mapan wonten ing Breadsall, Derbyshire lan dados guru ing Sekolah Breadsall Boys[10]. Saking mriku Joseph Whittaker serat-seratan kaliyan Sir William J. Hooker Direktur Kebon Botani Kew kanthi ancas ijolan koleksinipun saking Australia kaliyan sapérangan buku ngèlmu botani Inggris. Whittaker gadhah kirang langkung 300 kolèksi taneman ingkang dipunparingaken Kebon Botani Kew.[1] Koleksi Whittaker saking njawi Inggris sapunika wonten ing Kebon Botani Kew. Whittaker gadhah koleksi drosera ingkang dipunparingi nama kados namanipun piyambak Drosera whittakeri.

Ing wulan Fèbruari 1847 Whittaker dados anggota Botanical Society of London lan piyambakipun nyumbangaken conto taneman minangka persembahan antawisipun taun 1849 dumugi 1853. Joseph Whittaker lajeng gabung marang Botanical Exchange Club lan pungkasan marang Botanical Locality Record Club. Taun 1847 Joseph Whittaker sampun ngempalaken informasi ingkang sampun kathah saéngga nerbitaken “pratélan taneman langka ingkang kapanggih wonten ing lingkungan Breadsall, Derbyshire”.[11] Kanthi isi gabungan jinis taneman langka lan nedahaken informasi ingkang jangkep babagan keanékaragaman hayati ing tlatah mau ing masa punika. Taun 1857 Joseph Whittaker dados guru saking 90 laré-laré ing Breadsall, Derbyshire satunggaling désa ing antawisipun pendudukipun kalebet naturalis Rev. Henry Harpur Crewe lan Francis Darwin. Sekolahipun dipunbéayani déning kulawarga Harpur-Crewe.[12]

Cathetan suku besut

  1. ↑ a b "Whittaker, Joseph (1815 - 1894)". Ostralin National Herbarium.
  2. ↑ Kraehenbuehl, DN (1999). "Joseph Whittaker: early English botanical visitor to South Ostrali". S. Austral. Nat. 73. (3-4): 44-60 (1999)-illus., col. illus. En Icones. Geog=1 Personalia (WHITTAKER_Joseph_(1813-1894)) (KR, 200003613). 73 (3–4): 44–60. {{cite journal}}: Unknown parameter |coauthors= ignored (|author= suggested) (pitulung)
  3. ↑ Quarndon Baptism Register 1813-80 D4038/1/2 in Kraehenbuehl and Moyes
  4. ↑ [1]
  5. ↑ "The Pestonjee Bomanjee 1838". South Ostrali Register. Saturday October 13, 1838. Diarsip saka sing asli ing December 7, 2014. Dibukak ing March 17, 2013. {{cite news}}: Check date values in: |date= (pitulung)
  6. ↑ R. Hetherington, Gawler, George (1795 - 1869), Australian Dictionary of Biography, Online Edition, Copyright 2006, updated continuously, ISSN 1833-7538, published by Australian National University
  7. ↑ Kraehenbuehl, D.N. (1986). "History of botany in South Ostrali 1800-1955". Jessop J.P. and Toelken H.R: 33–39. {{cite journal}}: Cite journal requires |journal= (pitulung)
  8. ↑ Hawker, J C (1899). Early Experiences in South Ostrali, Adelaide,.
  9. ↑ Contoh herbarium di Musiyum dan Gladri Seni Derby
  10. ↑ Derby Mercury 11/6/1856 reported ten years service
  11. ↑ Whittaker, J. (1847). "A list of rare plants found in the neighbourhood of Breadsall, Derbyshire". The Phytologist. II:: 901–903.{{cite journal}}: CS1 maint: extra punctuation (link)
  12. ↑ White's 1857 Directory of Derbyshire (PDF). 1857. kc. 179–180. Diarsip saka sing asli (PDF) ing 2011-07-16. Dibukak ing 2013-03-17.
Dijupuk saka "https://jv.wikipedia.org/w/index.php?title=Joseph_Whittaker_(botanis)&oldid=1643879"