Kadal ula
| Kadal-ular | |
|---|---|
| |
| Lygosoma quadrupes dari Darmaga, Bogor | |
| Klasifikasi ngèlmiah | |
| Karajan: | Animalia |
| Filum: | Chordata |
| Klas: | Reptilia |
| Ordho: | Squamata |
| Subordho: | Sauria |
| Famili: | Scincidae |
| Génus: | Lygosoma |
| Spésies: | L. quadrupes |
| Jeneng binomial | |
| Lygosoma quadrupes (Linnaeus, 1766)[1] | |
| Sinonim | |
|
Anguis quadrupes Linnaeus, 1766: 390 | |
Kadal ula utawa kadal mengular (Lygosoma quadrupes) ya iku jinis kadal cilik kang awaké mèh padha ula kang nyebar ing Asia Tenggara. Kadal iki uga kerep karan kanthi ora tepat kaya ta minangka ula ana sikilé utawa ula sikil papat. Sajrone basa Inggris kadal iki sinebut jeneng Short-limbed Supple Skink utawa Linnaeus' Writhing Skink[2], wondené sajeroning basa Jerman dikenal minangka Asiatischer Schlankskink.[2][3] Jeneng-jeneng iku kabèh ngrujuk marang wujud awaké kang lentur lan geliang-geliut awaké yèn obah kang mèh padha karo ula, sanajan ora se luwes ula.
Pangenalan
besut
Kadal kang awake kecil dawa, meh gilig, dawa sekabehane nganti sakiwa-tengené 192 mm kanti buntut kira-kira setengahe utawa kurang sithik. geger warnané cokelat terang, keklawuan, rodok abang utawa rodok keunguan; kanti garis-garis dawa warna peteng nganti tekan buntut. sisih nduwur ndas warnané luwih peteng, kanti pelupuk mata pérangan ngisor putih kekuningan lan lambe nduwur kang warnané peteng. sisih ngisor awak keputihan utawa cokelat terang keputihan garis-garis. sikil cilik banget lan cendek.[3]
Bolongan irung (nostril) ana ing salah sijiné perisai nasal; perisai supranasal ora ana. Perisai-prefrontal kapisah adoh; perisai frontal padha utawa sithik luwih dawa saka perisai frontoparietal; perisai-perisai parietal bersinggungan amba ing mburi perisai interparietal. Ing nduwur mata ana 4 (longko 5) perisai supraokular, kang no-2 gedhé dhéwé; sarta 6 nganti 7 perisai suprasiliaria. Pelupuk mata pérangan ngisor kanti rong deret sisik cilik-cilik. Perisai supralabial (lambe nduwur) 6 nganti 7 iji, kang no-1 gedhé dhéwé lan no-5 tana ing ngisor mata; 6-7 perisai infralabial lambe ngisor).[3]
Ing tengah awak melintang 24-26 deret sisik alus ora berlunas; lan mbujur 104-121 iji sisik ing nduwur balung geger, ing antarané perisai parietal nganti marng pucuk buntut. Perisai preanal 6 iji; ora utawa amung sithik gedhé dhéwé, 2 kang ing tengah gedhé dhéwé. Sisik-sisik subkaudal (ngisor buntut) sakiwa-tengené 118 iji.[3]
Aktif ing wektu remeng-remeng (krepuskula), ing wayah awan kadal iki umpetan ing ngisor wewatuan, kayu rebah, utawa nylusup ing pasir utawa sela-sela lemah kang rapuh. Kadal ula tinemu ing alas utawa ing lahan pertanian. Kéwan iki mburu mangsane ing nalika sore, kang wujud aneka artropoda cilik mligi rayap lan tempayaké. Kaya jenengé, kadal iki lumaku kanti meliuk-liukkaké awaké kaya ula, mligi nalika obah kanti rikat nyusup ing antarané godhong garing, sesuketan, utawa tumpukan lemah berpasir. Sikilé kang cendak bisa digunakaké nalika lumaku alon-alon.[3]
Kadal ula ngendog 2 nganti 3 iji saben ngendog, ukurane 9 × 5 mm. endhog netes sawisé kira-kira 31 dina; anak kang mentu ukurane sakiwa-tengené 48 mm (dawa total).
Cathetan sikil
besut- ↑
Austria 1766. Systema naturæ per regna tria naturæ, secundum classes, ordines, genera, species, cum characteribus, differentiis, synonymis, locis. Tomus I. Editio duodecima, reformata. Laurentii Salvii, Stockholm, Holmiae. 1-532 pp.
- ↑ a b The Reptile Database: Lygosoma quadrupes (LINNAEUS, 1766)
- ↑ a b c d Austria. 1997. Amphibien und Reptilien Südostasiens. Natur und Tier Verlag, Münster, p.267-268
