Kadiyono

Kadiyono ya iku wong kelahiran Kèndal, 16 Marèt 1969 (49 taun) iki asalé saka Desa Campurejo,Kecamatan Boja, Kendhal, Jawa Tengah. Kadiyono nduwé anak cacah 3 (tèlu): Rizky Agung Mudiono, Firdausa D Mudiono, lan Nadifa Nurularisa Mudiono. Sabèn dina pagawéyané ya iku dadi tukang tambal ban nèrusaké usaha bapaké. Praktèk tambal bané ana ing ruas utama Boja, ing sèkitaré Pègunungan Ungaran lan nduwé jarak 30 kilomètèr saka arah barat daya Kota Sèmarang. Kadiyono iki wong sing nduwéni sèmangat juang kanggo sèkolah.

Pagawéyan

Awalé pagawéyan Utama Kadiyono ya iku dadi tukang tambal ban, amarga dhéwèké asring ngréwangi bapaké megawé saka cilik. Nanging, jebulé ora pèngin gur dadi tukang tambal ban, Kadiyono nduwé keprihatinan karo bocah-bocah difabél lan berkebutuhan khusus ing dèsané dhèwé. Ing taun 2015 Kadiyono mbangun Sèkolah Luar Biasa Insan Tèrang Bangsa ing Kècamatan Boja. SLB iki dirintis sèko nol dhèwéan, mulai saka Kadiyono mèthuk bocah-bocah numpak motor boncéng tèlu ing sabèn dèsa gawé sinau barèng. Sing awalè muridé namung bocah 10, suwé-suwé dadi bocah 47. Sing awalé panggonan sinauné bocah-bocah berkebutuhan khusus mau nunut ing TPA Fadhullah Dèsa Campurèjo, saiki bocah-bocah uwés bisa sinau ing bangunan sèkolahé dhéwe' yaiku SLB Insan Tèrang Bangsa sing nduwéni luas tanah 572 métèr pèrsegi amarga donasi, namung Kadiyono tètèp péngén mbayar tanah mau nganggo cara ngangsur.

Pèndhidhikan

Sanajan pagawéyané mung dadi tukang tambal ban ora mèngaruhi Kadiyono gawé ora sèkolah dhuwur-dhuwur. Saka pènghasilané dadi tukang tambal ban Kadiyono bisa nuntaské pèdhidhikan ing Sèkolah Tinggi Ilmu Komunikasi ing Semarang. Wèktu 10 (sèpuluh) taun dikaloni kanggo sèkolah ora nggawé Kadiyono putus asa, ora mèrgo awaké ora mampu ngikuti pèlajarané, namung amarga kangélan bab biaya. Sakbaré lulus saka Sèkolah Tinggi Ilmu Komunikasi dhèwéké nglanjutké pèndhidhikan ing Univérsitas Tèrbuka lan njipuk Pendidikan Guru Sèkolah Dasar. Ora mandèg tèkan kono waé pendhidhikané Kadiyono, dhèwéké uga nglanjutaké sèkolah S2 Magistèr Pendidikan ana ing Univérsitas Sèbèlas Marèt Solo.