Kakatua Raja

Kakatuwa Raja utawa Kakatuwa Palem utawa uga kasebut Macaw Ireng kang duweni jeneng ilmiah "probosciger aterrimus" kalebu salah sawijining jinis manuk Kakatuwa paruh bengkok kang anduweni warna Ireng lan ukuran awakke paling gedhe tinimbang karo jinis Kakatuwa liyane. Kakatuwa Raja anduweni ukuran antawis 50-60cm, lan bobot antawis 910-1200 ons. Ciri kang liyane kulit pipine warna Abang sarta duwe jambul gedhe kang warnane Ireng uga. Manuk iki asale bisa saka Irian lan Ostrali bageyan Lor. ^[1]

Katrangan

Kakatuwa Raja nduweni cucuk kang ukurane paling gedhe ing jinis manuk cucuk bengkok. Ananging cucuk gedhe iku ora bisa nutup rapet amarga ukuran cucuk ndhuwur karo ngisor ora padha. Fungsi cucuke kang gedhe yaiku kanggo mecah wiji-wijen lan kacang-kacangan kang dadi panganane saka Kakatuwa Raja. Ora ana bedane ing Kakatuwa Raja lanang lan wadon kajaba ukuran cucuke, amarga ukuran cucuke Kakatuwa Raja lanang luwih gedhe.^[2]

Kakatuwa Raja bisa duweni umur kanthi 80-90 taun. Jinis Kakatuwa Raja iki wis kalebu kewan kang kaancam punah, amarga habitat alase kang wis ilang, uga amarga dicekeli karo manungsa.

Referensi

↑ Bruce M. Beehler, Thane K. Pratt (2015). Birds of New Guinea: Second Edition. New Jersey: Princeton University Press. kc. 122. ISBN 9780691095639.
↑ Forshaw, Joseph M. (2006). Parrots of the World: an Identification Guide. Princeton University Press. ISBN 9780691092515.

[1] Bruce M. Beehler, Thane K. Pratt (2015). Birds of New Guinea: Second Edition. New Jersey: Princeton University Press. kc. 122. ISBN 9780691095639.

[2] Forshaw, Joseph M. (2006). Parrots of the World: an Identification Guide. Princeton University Press. ISBN 9780691092515.

[1]

[2]