Kala
Kala ya iku sejenis waditra kang dhapuré persis kaya tambur atawa dhog-dhog nanging ukurané rada lewih ramping lan lewih cindek[1]. Kala kegolong waditra atawa piranti musik sejenis kendhang kang duwé tebokan mung ning siji sisih baé[1]. Ning jaman bengien, waditra kala bareng karo sangka, beri, lan gubar kanggo aba-aba perang. Baka dideleng kang pengasil muni, kala kegolong ning waditra tebokan ageng[2]. Kala ana tabung silinder gronggongan kang ukurané gedé lan dilengkepi nganggo tébokan kulit tunggal ning salah siji sisié. Tébokan kulit iki bisa diatur kenceng belié nganggo sistem penarik lan oengenceng tali kang kulit kebo, rotan, tawa kawat baja. Ning jaman sekien, waditra kala wis beli lazim dienggo. Kala mung duwé siji nada lan bisa diatur nadaé sesuai karo kebutuhan[1].