Kali Mindanao

Kali Mindanao, uga diarani Rio Grande de Mindanao, iku sawijining kali kang gedhé dhéwé ing Pulo Mindanao, Filipina pérangan kidul. Dawané watara 320 km (200 mil), kali iki ngilèkaké banyu saka mayoritas tlatah pulo pérangan wétan, lan minangka urat nadhi transportasi kang wigati.

Sumber banyu asalé saka gunung-gunung ing lor-wétan Mindanao ing kidulé Butuan, ing tlatah mau kali iki dijenengaké Kali Pulangi. Sawisé gabung karo Kali Kabacan, Kali Pulangi mau dadi Kali Mindanao. Saka tlatah pagunungan, kali iki mili ing punjeré dhataran subur ing pérangan kidul-tengah pulo. Sadurungé tekan muara ing Teluk Moro, kali iki pecah dadi loro kang sajajar, ya iku Cotabato lan Tamentaka, kapisahaké déning bukit kang ambané 180 m.

Pusat sing ndunungi dhaéran ilèn kali antarané Kutha Cotabato, Datu Piang, lan Midsayap.

Uga delengen

• en:Battle of Mindanao