Katédral Turku

Katédral Turku iku siji-sijiné gréja basilik saka abad Tengahan ing Finlan lan saiki fungsiné minangka gréja baboné Gréja Injili Lutheran Finlan. Gréja iki ya iku punjeré Kabiskopan Agung Lutheran Turku lan dunungé Biskop Agung Lutheran Finlan, Tapio Luoma. Gréja iki uga dianggep minangka salah sawijiné rekaman sajarah agung sajarah arsitèktur Finlan.

Katédral Turku sisih ngarep (2008)

Gedhong iki dianggep minangka gedhong wigati dhéwé ing Finlan, déné katédral iki dadi seksi akèh prastawa wigati salawasé sajarah nagara iki lan dadi salah sawijiné simbul Kutha Turku sing misuwur. Katédral iki dunungé ana ing tengahé jantung Kutha Turku, cedhaké Lapangan Agung Tuwa, sisihé Kali Aura. Eksistènsiné ngluwihi ambané Kutha Turku. Loncèngé saben awan diungelaké ing siyaran radhio nasional. Gréja iki uga papané kabaktèn Natal nasional ing Finlan.

Katédral iki asliné diyasa saka kayu ing pungkasané abad ping 13, lan banjur ditahbisaké minangka Katédral Agung Finlan ing taun 1300 lan dunungé biskop Katulik Turki. Gréja iki banjur diambakaké ing abad ping 14 lan 15, mliginé nganggo watu minangka bahan yasané. Katédral iki rusak akèh nalika Kobongan Gedhé Turku ing taun 1827 lan banjur dirénovasi manèh sawatara.

Babad gréja

Mawa tumuwuhé kutha iki ing abad ping 13 minangka punjer dedagang ing Finlan sing wigati dhéwé, lenggahan Biskup Kabiskupan Finlan dilih saka papan sadurungé ing Koroinen, rada adoh munggah manèh ing Kali Aura menyang tengahé Kutha Turku. Ing pungkasané abad kaping 13, wis ana gréja saka watu sing rampung ing papa sing sadurungé ana gréja kayu sing ngadeg ing sungabané Kali Unikankare, lan banjur ditahbisaké ing taun 1300 minangka Gréja Katédral Suci Prawan Dèwi Maria lan Santo Henry, Biskup kapisan Finlan.

Gladri foto

• 
  Sadurungé Kobongan Gedhé
• 
  Katédhral ing taun 1900
• 
  Katédral saka Wukir Vartiovuori
• 
  Jero gréja
• 
  Altar
• 
  Orgel utama
• 
  Kijing lan pasaréan Karin Månsdotter, sang Ratu Swèdhen
• 
  Baita votif
• 
  Ilustrasi ing buku Finland framstäldt i teckningar, dibesut déning Zacharias Topelius lan dibabar ing taun 1845-1852.