Kembar mayang
Kembar mayang (ꦏꦼꦩ꧀ꦧꦂꦩꦪꦁ) kadhapuk saking kalih tembung inggih menika kembar kalihan mayang. Tegesipun kembar inggih menika sami; boten wonten bedanipun. Dene, mayang menika araning sekar jambe ingkang ngemu teges rerenggan sekar ingkang endahing warni. Kembar mayang menika wonten kalih wujudipun. Kekalihipun awujud rerenggan saking janur kuning. Kembar mayang ingkang satunggal minangka pralambang temanten kakung, satunggalipun pralambang temanten putri. Kembar mayang mengku makna sinandi inggih menika kembaripun temanten kekalih, kembar sih tresnanipun, cipta, rasa, saha karsanipun. Wondene kembar mayang menika ugi asring kasebut Sekar Kalpataru Dewadaru utawi wit pagesangan utawi wit kelanggengan. Minangka pralambang karahayun saha kaslametan. Dados sarana tulak sarik saking maneka bebendu pepalang amrih lampahing tata cara penganten rahayu kalis ing sabekala.
.jpg)
Panebusing kembar mayang menika saged dipunprangguli ing tata cara awal mantu adat Jawi.