Ki Kebo Kenanga

(Kaelih saka Ki Ageng Pengging)

Ki Kebo Kenanga, uga jejuluk Ki Ageng Pengging, iku sawijining panguwasa ing Pengging, karajan cilik Hindhu-Buda pungkasan ing Jawa Tengah sing ndhukung Majapait.[1][2] Miturut cathetan Sajarah Banten lan Babad Tanah Jawi, dhèwèké nggenténi ramané, Pangéran Andayaningrat, sing tilar donya ing taun 1527 ing perang kanggo ndhukung Majapait nglawan Demak.[1][2] Kangmasé jenengé Ki Kebo Kanigara.[2]

Sanajan agama Islam wis wiwit dianut déning sawetara wong Pengging, sabagéyan amarga piwulang Sèh Siti Jenar, nanging Pengging tetep nulak tundhuk marang Demak.[1] Ing wiwitan taun 1530-an, Demak ngirim pasukan manèh lan kasil ngrebut Pengging, ing kana Ki Kebo Kenanga uga tiwas.[1] Wiwit kuwi Pengging dadi laladan ngisoré Demak.[1]

Sawisé Ki Kebo Kenanga sèda, putrané dirawat dèning Nyai Ageng Tingkir; jenengé Mas Karèbèt utawa Jaka Tingkir.[2] Nalika wis diwasa, dhèwèké banjur dadi panguwasa Pajang, kanthi sesebutan Sultan Hadiwijaya.[2]

Uga delengenBesut

Cathetan sukuBesut

  1. a b c d e Reid, Anthony; Chambert-Loir, Henri (2020-08-20). The Potent Dead: Ancestors, saints and heroes in contemporary Indonesia. Routledge. ISBN 978-1-000-24710-7.
  2. a b c d e Anshoriy,Ch, HM Nasruddin (2008-01-01). Neo Patriotisme ; Etika Kekuasaan dalam Kebudayaan Jawa. Lkis Pelangi Aksara. ISBN 978-979-1283-67-0.