Kreteg Suramadu
Kreteg Suramadu iku jeneng kreteg sing nggandhèngaké Surabaya, Jawa karo Bangkalan, Madura. Kreteg iki wis suwé direncanakaké lan dibangun. Kreteg iki rampung dibangun ing taun 2009, lan diresmèkaké déning Présidhèn RI Susilo Bambang Yudhoyono ing tanggal 10 Juni 2009. Kreteg sing dawané 5,4 kilomèter iki dadi kreteg sing dawa dhéwé ing Indonésia. Jeneng Suramadu iku cekakan saka Surabaya lan Madura.
| Kreteg Suramadu | |
|---|---|
 Paresmèn tgl 10 Juni 2009 | |
| Dawa total | 5,438 metres (17,841 ft) |
| Lebar | 30 metres (98 ft) |
| Dhuwur | 146 metres (479 ft) |
| Tanggal pambukaan | 10 Juni 2009 |
| Tol | Rp 35,000[1] |
| Koordinat | 7°11′3″S 112°46′48″E / 7.18417°S 112.78000°EKoordhinat: 7°11′3″S 112°46′48″E / 7.18417°S 112.78000°E |
Konstruksi
besutKreteg Suramadu iku gabungan saka telung jinis kreteg sing dawané 5.438 mèter lan ambané kurang luwih 30 mèter. Kreteg iki nyedhiakaké patang lajur rong arah sing saben lajur ambané 3,5 mèter lan rong lajur dharurat sing ambané 2,75 mèter. Kreteg iki uga nyedhiakaké lajur mirunggan kanggo pengendhara sepédha montor ing saben sisih jaba kreteg [2][3].
Dalan layang
besutDalan layang utawa Causeway dibangun kanggo ngubungaké konstruksi kreteg karo dalan dharat liwat perairan céthèk. Dalan layang iki dumadi saka 36 bentang sing dawané 1.458 mèter ing sisih Surabaya lan 45 bentang sing dawané 1.818 mèter ing sisih Madura.
Dalan layang iki migunakaké konstruksi penyangga PCI sing dawané 40 mèter saben bentangan disangga pondhasi pipa waja kanthi dhiamèter 60 cm [4].
Kreteg penghubung
besutKreteg penghubung utawa Approach bridge ngubungaké kreteg utama karo dalan layang. Kreteg dumadi saka rong pérangan sing dawané saben pérangan 672 mèter.
Kreteg iki migunakaké konstruksi panyangga beton kothak dawané 80 mèter saben bentangan kanthi 7 bentangan saben sisih sing ditopang pondhasi penopang dhiamèter 180 cm [5].
Kreteg utama
besutKreteg utama utawa Main bridge dumadi saka telung pérangan ya iku rong bentangan samping dawané 192 mèter lan sak bentangan utama dawané 434 mèter.
Kreteg utama migunakaké konstruksi cable stayed sing ditopang déning menara kembar sing dhuwuré 140 mèter. Lantai kreteg migunakaké konstruksi komposit kandelé 2,4 mèter [2].
Kanggo ngakomodasi pelayaran kapal sagara sing ngliwati selat Madura, kreteg iki duwé ruang bébas dhuwuré 35 mèter saka lumahing sagara [2].
Rujukan
besut- ↑ "Tarif tol Suramadu lebih cendhèk dari tarif ferry". Suramadu.com. Dibukak ing 8 Juni 2009.
- ↑ a b c "Désain main bridge". Suramadu.com. Dibukak ing 26 Mèi 2009.
- ↑ "Kreteg Suramadu". Dibukak ing 26 Mèi 2009.
- ↑ "Désain causeway". Suramadu.com. Dibukak ing 26 Mèi 2009.
- ↑ "Désain approach bridge". Suramadu.com. Dibukak ing 26 Mèi 2009.