Kunir asem

Kunir Asém iku salah sawijiné asil ramon obat herbal atawa jamu kang digawé saka bahan-bahan alami (herbal) lan diuri-uri déning masyarakat. Kunir asem kalebu jamu gendhong kang bahan mliginé kunir karo asém.[1] Jamu kang iki biyasa didadekaké adhem-adheman kanggo awak utawa kanggo nyegerake awak[2]. Jamu iki wernane kuning lan rasané kecut-kecut tinuli seger. Liyané Jamu kunir asem kelebu jamu gendong,ana jamu gendong liyan kang kondhang ning masarakat Jawa kaya ta jamu beras kencur, jamu sinom, jamu cabe puyang, jamu pahitan, jamu kunci suruh, jamu kudu laos lan jamu uyup-uyup atawa gepyokan.[3]. Jamu kunir asém iku kalebu ombèn-ombèn obat tradhisional Jawa kang wis ana kawit jaman biyèn. Racikané diturun-temurunké saka jaman Majapahit lan nganti saiki isih diuri-uri, nuli dilestarikaké dadi salah sawijining kasil budaya Jawa [3].

Asem, Bahan mligi Jamu Kunir Asém

Kasiat Kunir AsémBesut

Jamu kunir asém kang seger lan énak iki ora namung nyegeraké awak, jamu iki uga duwé piguna liyané, kaya ta[4]:

  1. kandhutan vitamin C saka asem bisa nambani sariawan
  2. ora namung rasané waé kang segar, jamu iki uga bisa gawé segeré awak
  3. nglangsingaké awak utawa nggawé awak singset
  4. ngelancaraké haid
  5. jamuné ibu-ibu kang lagi mbobot (meteng)
  6. jamu kunir asém uga bisa kanggo nambani weteng mules.

Kasiat Kunir AsémBesut

Racikan Kunir Asém [3]
No. Kasiat Bahané
01. Séger-séger, adém-adéman kunir, asém kawak, temulawak, gula
02. Mulés, adém-adéman kunir kang akèh, asém kawak, gula abang
03. Weteng kembung kunir, asém kawak, gula abang
04. Awak séger, sariawan kunir, asém kawak, gula abang
05. Séger-ségeran, sariawan,gomen kunir, asém kawak, gula abang
06. Adém-adéman, sariawan kunir, asém kawak, gula abang
07. panas dalam kunir, asém kawak, gula abang
08. Panas Dalam kunir, godhong asem, asém kawak, jeruk nipis, gula
09. Séger-ségeran kunir, godhong asem, asém kawak, jeruk nipis, gula
10. Adém-adéman, sariawan kunir, kedawung, asem kawak, gula
11. Ngelancarké haid kunir, asém kawak, gula abang
12. Obat mbobot (hamil) kunir, asém kawak, gula abang

Cara Gawe Jamu Kunir AsémBesut

Bahan utama jamu iki ya iku asem kang ditambahan kunir utawa kunyit, nanging perlu ditambah karo bahan-bahab liyan kaya ta sinom (godong asém enom), temulawak, wiji kedawung, lan banyu jeruk nipis. Kanggo pemanis, bisa ditambahi gula pasir utawa gula jawa utawi pemanis buatan lan bisa ditambahi karo uyah sethithik[5].

Cara nggawé jamu iki yaiku[1].

  • Bahan-bahan kang wis cumepak dikumbah resik, nuli ditumbuk kasar nganggo lumpang karo alu wesi atawa watu (kunir mau wis dirajangi sadurungé)
  • digodhog nganti umub, ditambah uyah, gula sak selerané.
  • banyu godhogan mau disaring lan diombe sedina pindho utawa saperlune.

Cithakan:Bumbon crakèn

Cathetan sukuBesut

  1. ↑ a b Tahukah Anda tentang JAMU ? Jamu Kunir Asam dipununduh tanggal 03 April 2011
  2. ↑ Gaya Hidup Orang Indonesia dipununduh tanggal 04 April 2011
  3. ↑ a b c Bahan Baku, Khasiat, dan Cara Pengolahan Jamu Gendong: Studi Kasus di Kotamadya Surabaya, 1998 (dipununduh tanggal 30 Maret 2011)
  4. ↑ Jamu Kunir Asam dipununduh tanggal 03 April 2011
  5. ↑ jamu manjur (dipununduh tanggal 02 April 2011)
Dijupuk saka "https://jv.wikipedia.org/w/index.php?title=Kunir_asem&oldid=1544456"