Léon Jouhaux
Léon Jouhaux (lair 1 Juli 1879 – pati 28 April 1954 ing umur 74 taun) inggih punika minangka salah satunggaling pemimpin serikat dagang Perancis ingkang pikantuk Bebungah Nobel Bedhamèn nalika taun 1951.[1]
Bapak Jouhaux makarya wonten satunggaling pabrik korek api wonten ing laladan Aubervilliers. Pendidikan dasaripun mandheg nalika gaji bapakipun ugi mandheg amargi wonten pemogokan. Piyambakipun makarya wonten ing pabrik punika nalika yuswanipun ngancik angka 16 taun lan lajeng dados salah satunggaling pérangan ingkang wigati saking persatuan punika. Nalika taun 1900, Jouhaux kagabung kaliyan obahan pemogokan tumrap panganggoan fosfor putih ingkang dadosaken buta bapakipun lan gantos-gantos pedamelan dumugi wontenipun prabawa serikat punika ingkang mbangsulaken malih dhateng jabatanipun.[2]
Nalika taun 1906, piyambakipun kapilih déning serikat wonten ing sakanan kiringipun minangka perwakilan kanggé Confédération générale du travail, ing pundi kemampuan piyambakipun minggah lumantar pangkat buruh terorganisasi. Nalika taun 1909 piyambakipun dados bendahara sementara, lan lajeng dados SekJen organisasi punika, ingkang dipuncemengipun dumugi taun 1947. Ancasipun minangka tokoh serikat dagang misuwur wonten ing obahan pekerja masa awal punika — dinten 8 jam, hak kanggé perwakilan persatuan lan penawaran kolektif, lan hari libur balasan. sadangunipun Front populaire, Persetujuan Matignon (1936), ing pundi piyambakipun minangka salah satunggaling tokoh ingkang ndhèrèk tapak asma, maringi kathah hak dhateng para buruh Perancis.[3]
Nalika taun-taun saderengipun kadadosan perang donya ingkang angka II, Jouhaux ngorganisasikaken sapérangan protes massal, lan organisasi ingkang dipunpimpinipun mrotes pperangan. Nanging, nalika perang donya dipunwiwiti, Jouhaux nyengkuyung negerinipun lan dipunpitadosi bilih kejayaan Jerman Nazi, badhé ngrisak dhémokrasi wonten ing Éropah. Sadangunipun perang kadadosan, piyambakipun dipuntahan lan dipu kunjara wonten ing kamp konsèntrasi Buchenwald.
Sasampunipun perang pungkasan, Jouhaux pisah saking CGT saperlu mbentuk Force Ouvrière (CGT-FO0 ingkang gadhah aliran sosial dhémokrat. Nalika taun 1951, piyambakipun dipunanugrahi Bebungah Bedhamèn Nobel.
Wonten ing konteks internasional, karyanipun gadhah arti ingkang wigatos sanget wonten ing pendirian International Labour Organization (ILO), lan kapilih dhateng kedudukan inggih wonten tinggi wonten ing badan-badan dagang internasional, kalebet ugi Federasi Serikat Dagang Internasional lan sanak pascaperangipun Federasi Serikat Dagang Dunia dumugi badan punika kapecah.
Sabibaripun tilar donya nalika taun 1954, Léon Jouhaux dipunsarekaken wonten ing pasaréan le Père Lachaise, Paris.
Cathetan suku besut
- ↑ http://nobelprize.org/peace/laureates/1951/jouhaux-bio.html Informasi Komite Nobel tentang Jouhaux
- ↑ http://www.findagrave.com/cgi-bin/fg.cgi?page=gr&GRid=7665 Léon Jouhaux di Find-A-Grave
- ↑ http://www.nobelprize.org/nobel_prizes/peace/laureates/1951/jouhaux-lecture.html