William "John Paul" Gallagher utawi Liam Gallagher (lair 21 Sèptèmber 1972; umur 51 taun) ing Burnage, Manchester, inggih punika salah satunggalipun musisi lan pangripta lagu saking Inggris.[1] Panjenenganipun dados tetunggulipun band Oasis.[1] Nanging band-ipun William ingkang sapunika inggih punika Beady Eye.[1] Panjenenganipun punika dados salah satunggalipun tiyang ingkang misuwur ing jagad musik Inggris modhèren amargi gaya nalika nyanyi.[2]

Liam Gallagher
Lair (1972-09-21) 21 Sèptèmber 1972 (umur 51)
Manchester, Inggris

Awit Oasis dipuntilar déning Noel nalika Agustus 2009, William pungkasanipun lajeng nglajengaken kariripun ing jagad musik kaliyan Gem Archer, Andy Bell, Chris Sharrock, Jay Darlington kanthi damel band ingkang namanipun Beady Eye.[1]

Kulawarga besut

William miyos ing Burnage, Manchester.[1] Panjenenganipun punika putra kaping tiga lan pungkasan saking pasangan Thomas lan Peggy Gallagher.[1] Nalika samanten ramanipun, Thomas, asring ngawontenaken cecongkrahan ing kulawarganipun, kalebet dhumateng William lan kalih kangmasipun, Noel lan Paul.[1] Cecongkrahan punika banget anggènipun mangaruhi William lan dados inspirasi kanggé dados seniman.[1]

Nalika taksih alit, William punika gadhah sipat nakal.[1] Panjenenganipun dipumedalaken saking sekolah nalika yuswanipun 15 taun amargi gelut. Ngantos panjenenganipun naté nyolong pit, nanging pungkasanipun panjenenganipun remen kaliyan jagad musik.[1]

Tanggal 7 April 1997, William palakrami kaliyan Patsy Kensit.[1] Saking palakrami punika panjenenganipun patutan satunggal ingkang namanipun Lennon Francis ingkang miyos ing wulan September 1999. Nanging satunggal taun salajengipun William kaliyan Patsy pegatan.[1]

Cathetan suku besut

  1. a b c d e f g h i j k l Liam Gallagher dipunundhuh tanggal 21 September 2011)
  2. Youngs, Ian (17 August 2005). "Britpop – Where are they now?". BBC News.

Pranala njawi besut