Lidia Patty

Lidia Patty Mullisaca (lair 7 Juni 1969) iku pulitikus Bolivia lan aktivis sarékat buruh sing tau dadi konsul Bolivia ing Puno, Peru, taun 2023. Minangka anggota Gerakan Sosialisme, dhèwèké tau ngwakili La Paz ing DPR, pisan minangkan wakilé Manuel Canelas saka taun 2015 nganti 2018 lan sawisé iku minangka anggota resmi nganti taun 2020.

Dhèwèké asliné saka ètnis Kallawaya saka Charazani ing Provinsi Bautista Saavedra. Mula-mulané Patty nyambut gawé minangka réwang sadurungé dadi guru sekolah ing désa. Wiwit tengahan dasawarsa 1990-an, dhèwèké aktif ing aktivisme pulitik lan gabung karo Konféderasi Bartolina Sisa, dadi èksèkutif provinsi lan sèkretaris departemen sabanjuré. Kira-kira wektu iki, dhèwèké nggabung karo Gerakan Sosialisme sing anyar, lan dhèwèké mlebu pulitik pamilihan ing taun 1999. Dhèwèké menang pamilihan kapisan kanggo kursi ing Rad Kutha Charazani ing taun 2004 lan kapilih dadi wakil Kamar Députi ing taun 2014.

Senadyan awaké kuwi andhap asor (low profile), dhèwèké dadi misuwur anuju ing pungkasané mangsa jabatané. Dhèwèké dadi wong sing wadul utama ing Kasus Kudeta, sing marahi tuntutan pidana mantan présidhèn Jeanine Áñez lan akèh aktor militer lan politik liyané ing krisis 2019 negara kasebut. Dhèwèké iku paraga polèmik amarga dhèwèké kerep nyalahaké oposisi lan sawetara pejabat partai sing ngatur, Patty ngluncuraké kekarep sing ora kasidan dadi ombudsman Bolivia ing taun 2022.

Sawisé dipikiraké mateng diparingi jabatan dadi duta agung ing Paraguay, Patty pungkasané dikirim dari konsul menyang Puno, Peru ing taun 2023. Nanging déné rélasi antara loro negara iki dadi ala, pamaréntah Peru njaluk supaya awaké ditarik saka Peru. Banjur Kamantrèn Nagara Ngamanca Bolivia narik awaké bali ora let suwé.