Loem Min Noe

Loem Min Noe, ya iku juru cekak sing asale saka Jawa Tengah, lan nyambut gawe ing pabrik gula Jatiroto, Pasuruan, Jawa Timur. Loem Min Noe wiwit sregep gawe cekak kawitane taun 1930-an tekan taun 1941. Ing taun 1930-an secacah jeneng juru cekak wiwit muncul, kaya ta Sambo, Pangripta, Prasmo, Djoko Baloeng, Zilvervos, Kenja Bre Tegawangi, Tjah Alas Boeloe, Tan Poet, Max Moe, Liamsi, Sri Sowsinah, Sri Koesnapsijah, Soeprapti, Rr. Koestijah, lan Loem Min Noe. Akeh jeneng sing angel diindhentifikasekake jeneng asline, kaya ta jeneng Zilvervos, Max Moe, Tan Poet, Sambo, Prasmo, J.De O'Hsam, lan Loem Min Noe.

Jeneng Loem Min Noe iku duwe jeneng sing anglir marang jeneng Tionghoa. Ing taun 1930-an or mung Loem Min Noe sing duwe jeneng kaya jeneng Tionghoa amarga ing wektu iku akeh jeneng sastrawan Jawa sing duwe jeneng Tionghoa.