Lung-lungan
Lung-lungan ya iku salah siji rupa hias umah tradhisional Jawa. Tembung lung-lungan asalé sing "lung" kang tegesé watang tuwuhan melata kang masih enom lan dhapuré ngelengkung[1]. Tembung "lung" uga kanggo aran godong atawa ujung watang ketela rambat. Bentuk rerenggan lung-lungan iku ana kaya watang, godong, kembang, lan buah kang digambar nganggo cara stilisasi[1][2]. Hiasan iki digawé ning kayu. Ana warna-warna gaya rupa hias lung-lungan kaya déné Cirebonan, Mataraman, Yogyakarta, Surakarta, Jepara, Pekalongan, Madura, lan liyan-liyané.
Lumrahé ning umah tradhisional Jawa, rerenggan lung-lungan iki beli dipai warna, dadi polos baé kaya warna kayué. Nanging ana uga kang dipai warna sunggingan kaya ning umahé wong ningrat. Cara gawé lung-lungan iku dipahat ning kayu atawa diukir. Hiasan lung-lungan biasaé ditaro ning rangka umah (blandar, tumpang, pengérét, dadapaksi, sunduk, dudur, cagak, lan liyané), pamidangan, tebeng lawang, patang aring. Lung-lungan duwé teges lan maksud ya iku ambiran umahé katon bagus. Sebab baka bagus ngupai rasa tentrem lan wibawa (sungil, wingit, angker)[1][2][3].
Rujukan besut
- ↑ a b c Dakung, Sugiyarto (1982). Arsitektur Tradisional Daerah Istimewa Yogyakarta. Yogyakarta: Depdikbud. kc. 125–128.
- ↑ a b Cahyandari, Gerarda Orbita Ida (Oktober 2012). "Tata Ruang dan Elemen Arsitektur Pada Rumah Jawa Di Yogyakarta Sebagai Wujud Kategori Pola Aktivitas Dalam Rumah Tangga" (PDF). Jurnal Arsitektur KOMPOSISI. 10: 106. Diarsip saka sing asli (PDF) ing 2017-09-18. Dibukak ing 2017-07-05.
- ↑ Danoe, Iswanto (Juni 2008). "APLIKASI RAGAM HIAS JAWA TRADISONAL PADA RUMAH TINGGAL BARU". ENCLOSURE. 07: 91. Diarsip saka sing asli ing 2017-07-19. Dibukak ing 2017-07-05.