Mangkunagara X
KGPAA Mangkunagara X (asma timur: Gusti Pangéran Harya Bhré Cakrahutama Wira Sujiwa; cara Indonésia: Gusti Pangeran Haryo Bhre Cakrahutomo Wira Sudjiwo) (carakan: ꦯꦩ꧀ꦥꦺꦪꦤ꧀ꦢꦊꦩ꧀ꦲꦶꦁꦏꦁꦗꦸꦩꦼꦤꦼꦁꦑꦁꦗꦼꦁꦥꦔꦺꦫꦤ꧀ꦲꦢꦶꦥꦠꦶꦲꦂꦪꦩꦁꦑꦸꦟꦒꦫ꧇꧑꧐꧇) (miyos: 29 Maret 1997, yuswa: 25 taun) punika adipati kaping sedasa ingkang jumeneng nata ing Kadipatèn Mangkunagaran. Panjenenganipun punika putra wuragilipun KGPAA Mangkunagara IX, ingkang sampun surud rikala 13 Agustus 2021. Mangkunagara X kajumenengaken nata surya kaping 12 Maret 2022.
| Mangkunagara X ꦩꦁꦏꦸꦤꦒꦫ꧇꧑꧐꧇ | |||||
|---|---|---|---|---|---|
| Kangjeng Gusti Pangéran Adipati Arya | |||||
 | |||||
| Adipati Mangkunagaran ka-10 | |||||
| Panjenengan | 12 Maret 2022 – sapunika | ||||
| Pamakuthan | 12 Maret 2022 | ||||
| Leluhur | Mangkunagara IX | ||||
| Presiden | Joko Widodo | ||||
| Lair | Gusti Pangeran Haryo Bhre Cakrahutomo Wira Sudjiwo Maret 29, 1997 | ||||
| |||||
| Wangsa | Wangsa Mataram | ||||
| Bapa | Mangkunagara IX | ||||
| Ibu | GKP Mangkunagara IX | ||||
Gesang nalika timur besut
Bhre Cakrahutomo Wira Sudjiwo miyos surya kaping 29 Maret 1997 lan minangka putra ingkang angka kalih antawisipun Kangjeng Pangéran Adipati Arya Mangkunagara IX kaliyan Gusti Kangjeng Putri Mangkunagara IX. Saking garis trahipun ibu, panjenenganipun punika minangka wayahipun Litnan Jénderal TNI (Purn.) Yogi Supardi ingkang naté mengku kalenggahan minangka Duta Agung Républik Indonésia kagem Jepang (1987-1991), Pangdam XVI/Udayana (1972-1974), lan Sèkjèn Departemen Pertahanan dan Keamanan (1983-1987).
Panjenenganipun kagungan sadhèrèk putri ingkang asma Gusti Radèn Ajeng (GRA) Ancillasura Marina Sudjiwo. Panjenenganipun ugi kagungan sadhèrèk tunggal bapa cacah kalih inggih punika Gusti Pangéran Harya Paundrakarna Jiwo Suryonegoro (Gusti Paundra) kaliyan Gusti Radèn Ajeng (GRA) Putri Agung Suniwati.
Jumenengan besut
Sadèrèngipun Gusti Bhré kajumenengaken minangka adipati, kathah pambengan ingkang dipun ajengi. Panjenenganipun dados calon pratama kagem nglajengaken kalenggahan minangka adipati, ngèngeti bilih panjenenganipun punika putra kakung saking pramèswari utawi garwa padmi. Nanging padatan ingkang lumampah ing Pura Mangkunagaran punika boten nganut paugeran ingkang kaken kados makaten.
Kajawi punika, bab kapitadosan ugi dados prakawis. Gusti Bhré ngugemi kapitadosanipun minangka Katulik, wondéning padatanipun trah saking Mataram ngugemi agami Islam. Prakawis punika ingkang njalari panjenenganipun mlebet Islam[1]. Ananging, sasampunipun GRAy. Retno Satuti Suryohadiningrat kaliyan GRAy. Retno Rosati Hadiningrat minangka wakil saking kulawarga inti sarujuk, Gusti Bhré lajeng katetepaken minangka Mangkunagara ingkang jumeneng kaping X.
Upacara Jemenengan besut
Adicara upacara jumenengan kanggé netepaken Gusthi Bhré minangka Mangkunagara kaping sadasa katindakaken ing dinten Selasa, 12 Maret 2022 manggèn wonten ing Pendhapa Ageng Pura Mangkunegaran. Présidhèn RI Joko Widodo, Sri Susuhunan Pakubuwana XIII, Sri Sultan Hamengkubuwana X, KGPAA Pakualam X, Gubernur Jawa Tengah Ganjar Pranowo, ugi rawuh ing adicara punika.
Rujukan besut
- ↑ Prabowo, Ronald Seger. "GPH Bhre Cakrahutomo Ditunjuk Jadi Mangkunegara X Meski Disebut Katolik, Budayawan Solo Beri Saran Penting". SuaraSurakarta.id. Dibukak ing 2022-03-22.