Matcha
Matcha kuwi jinising tèh ijo awujud bubuk. Yèn tèh ijo kuwi digawé saka rendheman godhong tèh, nanging matcha kuwi saka godhong tèh ijo garing sing didheplok dadi bubuk sing alus. Panalitèn nuduhaké, tèh ijo duwé mupangat kanggo kasarasan kaya ta ngedhunké kolestèrol, nglindungi awak saka kanker, ngontrol kadar gula dharah lan ngurangi inflamasi. Matcha kuwi awujud godhong tèh ijo sing wutuh lan duwéni luwih apik mupangat kanggo kasarasan.[1]
Panalitèn besut
Pasinaon sing dibabar ing Journal of Chromatography A nemoaké, yèn matcha kuwi nduwé mupangat luwih apik tinimbang tèh ijo biyasané. Kuwi nggawé tèh ijo kaya diwènèhi tambahan stéroid, mula mupangat luwih akèh. Panalitèn nemoaké konsèntrasi èpigallokatèkin gallaté (EGCG) ing matcha 137 luwih kuwat tinimbang tèh biyasané. Luwih akèh EGCG ateges antioksidané luwih dhuwur, lan duwé mupangat kanggo nyegah kanker saka awak lan rusaké sèl-sèl ing awak saya alon. Ananging ana uga dhokter kandha yèn wilangan itungan EGCG matcha ora sadhuwur kuwi. Matcha uga nduwé mupangat kanggo mbakar lemak. Asil pasinaon sing dibabar ing Jurnal Food & Function nemoaké, tikus sing diwènèhi pangan lemak kang dhuwur lan prèsentase matcha sing dhuwur nduwéni trilisèrida lan kolèsterol luwih sithik tinimbang tikus kang padha tanpa diwènèhi matcha. Panaliti ugi nemoaké kadar glukosa darah luwih sithik lan aktivitas antioksidané luwih dhuwur.
Ora sithik sing banjur pindah saka kopi menyang matcha lan ngandharkè matcha luwih ménéhi énérgi luwih lan bisa nggawè luwih tênang tinimbang bubar ngombé kopi. Asil pasinaon ing Asia Pasific Journal of Clinical Nutrition nemoaké asam amino sing disebut L-théanine sing biyasané ditemoaké ing teh. Panaliti uga nemoaké tèh isa nggawé rilèks ing utak lan ngunggahké rasa waspada. Akèh-akèhé jinis matcha ngèmot kaféin kaya sagêlas kopi (kurang luwih 53 nganti 72 mg kaféin per saji bubuk matcha asli tinimbang 95 mg kopi). Diandharké uga yèn kaféin matcha diculké sithik-sithik, mula ora njujug lemes sawisé éfék kop ilang. Mawi kandungan nutrisi lan kaféin sing luwih dhuwur saka tèh ijo biyasa, yèn dikonsumsi asring bakal nggawé lara hépatotoksisitas hérbal, kondisi kaluwihan hérbal lan karusakan ati.[2]
Rujukan besut
- ↑ "Matcha, Alternatif Sehat Pengganti Kopi". 2016-12-16. Dibukak ing 2018-12-21.
{{cite web}}:|first=missing|last=(pitulung) - ↑ "7 Manfaat Konsumsu Matcha, Jangan Abaikan Minuman Ajaib Ini!". Jurnal Patroli.[pranala mati permanèn]
| Wikimedia Commons duwé médhia ngenani Matcha. |