Max Gluckman
Max Gluckman ya iku ahli antropologi saka Johannesburg, Afrika Kidul, kalairan 26 Januari 1911[1][2][3]. Max iki olèh pandhidhikan ana ing University of the Witwatersrand (BA) taun 1934. Sabanjuré ing University of Oxford lan olih gelar Ph.D. taun 1936[1]. Panlitian lapangan kang linakonan déning Max ya iku ana ing Afrika Kidul taun 1936-1938[4], Rhodesi lor utawa Zambia taun 1970, lan Israel taun 1963 nganti 1971[5]. Karya-karya akademis kang sinerat ya iku antarané ‘Analysis of a social situation in modern Zululand’ ana ing buku Bantu Studies (1940), The Judicial Process among the Barotse of Northern Rhodesia (1955), Order and Rebellion in Tribal Africa (1963), lan Politics, Law, and Ritual in Tribal Society (1965)[1][3]. Max minangka sarjana, guru, lan panlitia, dhèwèké nggawè pisumbangan kang utama ing bab sosial, pulitik, lan antropologi legal awit taun 1940an[1].
| Max Gluckman | |
|---|---|
| Jeneng lair | Herman Max Gluckman |
| Lair | 26 Januari 1911 Johannesburg |
| Pati | 13 April 1975 (umur 64) |
| Alma mater | |
| Kondhang ing | Conflict theories |
| Bojo | Mary Gluckman |
| Karièr ngèlmiah | |
| Babagan | Antropologi sosial |
| Institutions | Manchester school |
Rujukan
besut- ↑ a b c d Amit, Vered (2004). Biographical dictionary of social and cultural anthropology. London: Routledge. kc. 278–279. ISBN 020364459X. OCLC 436848672.
- ↑ "Max Gluckman | South African anthropologist". Encyclopedia Britannica (ing basa Inggris). Dibukak ing 2018-01-13.
- ↑ a b "Max Gluckman - New World Encyclopedia". www.newworldencyclopedia.org (ing basa Inggris). Dibukak ing 2018-01-13.
- ↑ "Max Gluckman - Anthropology - Oxford Bibliographies - obo" (ing basa Inggris). Dibukak ing 2018-01-13.
- ↑ "Max Gluckman Facts". biography.yourdictionary.com (ing basa Inggris). Dibukak ing 2018-01-13.