Mega molekul

Mega molekul iku salah sajinis mega antarlintang sing karapetan lan ukurané ngidinaké pambentukan molekul, akèh-akèhé sajeroning wangun molekul hidrogen, H₂. Molekul iki sabenaré angèl didhetèksi, lan molekul sing dipigunakaké kanggo nglacak H₂ iku CO (karbon monoksida). Rasio antarané luminositas CO lan massa H₂ racaké nyeraki konstan, sanadyan ana sapérangan alasan kanggo nyangsèkaké asumsi iki ing pangamatan sapérangan galaksi.

Kaanan

Sajeroning Bimasakti, gas molekuler nyusun kurang saka sapersèn volume medhium antarlintang, sanadyan mangkono gas mau wujud pérangan paling padhet sing nyusun setengah saka gunggungé massa kabèh medhium antarlintang sing ana ing tlatah pérangan sajeroning orbit srengéngé nglilingi pusat galaksi.