Mercon
Mercon (uga dikenal kanthi jeneng) bahan peledak) iku wujud bubuk kang dibungkus ing njero kertas.[1] Kertas kang dianggo bungkus ora mung siji nanging lapis-lapis.[1] Mercon nduwéni sumbu ing pérangan tengahé.[1] Mercon minangka ngramékaké acara-acara kaya ta taun baru, nikahan, lan liya-liyané.[1] Mercon nduwéni daya ledak kang cilik utawa low explosive.[1] Bubuk kang minangka isis mercon wujud bahan peledak kimia kang bisa mbledhos ing kaanan tinamtu.[1]
Sajarah besut
Sajarah mercon asalé saka Cina. Kira-kira abad kaping-9, salah sijiné juru masak ora sengaja nyampuraké bubuk ireng (black powder)kang cacahé ana telung bubuk ya iku kalium nitrat, wlirang (sulfur) lan areng saka kayu (charcoal) kang asalé saka pawoné.[2] Campuran bahan-bahan kang cacahé telu iki gampang yèn dibakar.[2] Yèn bahan katelu iki dilebokaké ing njero pring kang ana sumbuné banjur dibakar, bahan iki banjur mbledhos lan ngetokaké swara kaya swara mbeldosé bom kang banter.[2] Swara iki dipercaya bisa ngusir roh jahat.[2] Sabanjuré, mercon jinis iki banjur dipercaya lan dianggo uga nalika ana karaméan nikahan, menang perang, prastawa gerhana bulan, lan upacara-upacara keagamaan.[2]
Nalika jaman dinasti Song banjur digawé pabrik mercon kang banjur dadi dhasar kanggo nggawé kembang api.[2] Kembang api luwih mentingaké warna-warna lan dhapuré cahya ing langit nalika kembang api mbledhos saéngga kembang api dibédakaké karo mercon awit mercon mung mentingaké swarané.[2] Sawisé iki tradhisi mercon banjur nyebar ing saindenging donya.[2] Ing Indonesia dhéwé, tradhisi mercon iku digawa karo salah sijiné wong Tionghoa.[2] Salah sijiné pengamat sajarah Betawi, Alwi Shahab ngugemi yèn tradhisi nikahan wong Betawi kang nggunakaké mercon kanggo ngramekake kaanan kanthi niru saka tradhisi wong Tionghoa kang manggon ing saubengé Betawi.[2] Ing Indonésia mercon uga disumet nalika pasa utawa riyaya bada.[2]
Cathetan suku besut
| Artikel iki minangka artikel rintisan. Kowé bisa ngéwangi Wikipédia ngembangaké. |