MesaStila
MesaStila yaiku salah sawijiné hotèl resor bintang lima sing dumunung ing Désa Losari Kacamatan Grabag, Kabupatèn Magelang, Jawa Tengah, Indonesia. Hotél duwékné wakil gubernur DKI Jakarta kapilih, Sandiaga Uno, iki sadurungé taun 2011 ésih nganggo jeneng Spa Retreat and Coffee Plantation, dibangun ing sajeroné lemah sing ambané 22 hèktar, lan 11 hèktar ing awujud pakebonan kopi. Présidhèn kaping enem, Republik Indonesia, Susilo Bambang Yudhoyono, naté nganakaké patemon ing hotèl ini lan ngasilké kabijakan aksi pangembangan bioenergi.[1][2][3][4][5][6][7]
Latar wuri
besutHotèl MesaStila dumunung ing Désa Losari Kacamatan Grabag, Kabupatèn Magelang, Jawa Tengah. Panggoné ora patia angèl tinemu, amarga ya mung kira-kira 1 kilomèter saka dalan gedhé Yogyakarta-Semarang. Saumpama numpak nganggo kendharaan pribadi, mung merlokaké wektu 1,5 jam saka Semarang lan Yogyakarta. Hotel resor bintang lima iki dibangun ing sajeroné lahan sing ambané 22 hèktar, lan 11 hèktar ing antarané kagunaaké kanggo pakebon kopi. Sadurungé dituku déning Sandiaga Uno ing taun 2011, hotèl sing tatarané internasional iki, jenengé Spa Retreat and Coffee Plantation, duwèké pengusaha saka Italia, Gabriella Teggia. Ora namung nyawisaké jasa panginepan, MesaStila uga ngompliti pirang-pirang sarana kaya déné taman, relaksasi, tradisi, rékreasi, lan wahana pansinaon bab kabudayan Jawa. Sapérangan gedhé saka ing hotèl kuwi dibangun taun 1928, nalika Pamaréntahan Hindia Belanda.
Konsep
besutWiwit ganti jeneng, manajemen MesaStila nyuguhaké konsèp sing dipérang ing enem babagan: Nutritional excellence, ya kuwi ngecakaké suguhan sehat tanpa ngurangi variasi menu. Educational and information, para tamu bisa nyembadani rasa péngin ngerti, sinau bab sujarah yasan lan koleksi barang-barang sing disimpen ing MesaStila. Ing kéné MesaStila nyawisi paket kegiyatan kaya ta Coffee Pantation Tour lan Tabib Jamu. Physical wellbeing, yaiku nyawisaké srana kanggo aktivitas ing antarané gym. Siji dijumbuhké karo standar modern, lan kaping loro digawé nyawiji ing alam kanthi piranti saka watu lan kayu. Ana uga kegiyatan kaya déné power walk, aqua fit, Yoga nganti latihan beladiri pencak silat. Culture and adventure sing antarané bisa ditindakaké lumantar kegiyatan mbatik, numpak pit gunung ing padesan, menyang sapérang papan wisata kaya ta Candi Umbul, munggah Gunung Andong lan Gunung Telomoyo. Stress Management ya kuwi medhitasi kanggo ngurangi aboté batin. Emotional and spiritual Awareness kanthi cara relaksasi pikiran, ngrenani kaéndahan alam, katentreman, lan kagiyatan yoga.
Stasiyun kereta
besutSalah siji sing gawé Hotèl MesaStila ora padha marang hotèl ngendi waé ing donya ya kuwi wewangunan lobiné. Nalika miwiti ngrintis hotèl iki, Gabriella Teggia sengaja mboyong yasan bekas Stasiun Mayong, Jepara, Jawa Tengah menyang resor tanpa ngowah-owah bentuk asliné, kalebu loket lan tulisan "Mayong-Losari 905 M"..
Deleng uga
besutRujukan
besut- ↑ Travel Detik: Stasiun disulap jadi lobi hotel[pranala mati permanèn], diakses 22 Juli 2015
- ↑ Travel Kompas: Usai Wisata kebun kopi, nikmati biji kopi plus gula merah Archived 2017-03-19 at the Wayback Machine., diakses 22 Juli 2015
- ↑ Destinasi Indonesia: Memperkaya jiwa di MesaStila Archived 2016-03-15 at the Wayback Machine., diakses 22 Juli 2015
- ↑ Travelblog Tictab: MessaStila, nyaman dalam dekapan alam Archived 2014-08-24 at the Wayback Machine., diakses 22 Juli 2015
- ↑ ID Hotels: MesaStila Magelang, Indonesia Archived 2015-10-14 at the Wayback Machine., diakses 22 Juli 2015
- ↑ Harian Suara Merdeka: Pertemuan Losari Hasilkan Aksi Pengembangan Bioenergi, diakses 2 Agustus 2015
- ↑ Kabar Indonesia: HOKI Nobatkan Losari Spa Retreat & Coffee Plantation sebagai "The Best Green Hotel", diakses 2 Agustus 2015
| Artikel iki minangka artikel rintisan. Kowé bisa ngéwangi Wikipédia ngembangaké. |