Michelle Obama (lair ing Chicago, Illinois, Amérika Sarékat, 17 Januari1964; umur 60 taun) inggih punika garwanipun Barack Obama, Présidhèn Amérika Sarékat ingkang njabat wiwit taun 2009. Kulawarganipun asalipun saking ètnis Afrika-Amérika.[1][2] Michelle miwiti karieripun minangka pegawé ing fira hukum Sidley Austin lan dipuntugasi ing babagan pemasaran lan properti intelektual.[1] Sasampunipun punika Michelle kaserat dados asistenipun walikota Chicago, Richard M Daley.[1] Michelle ugi dados wakil présidhèn kanggé gayutan luar eksternal lan komusitas griya sakit Universitas Chicago lan lulus saking fakultas hukum sasampunipun angsal gelar sarjanaSosiologi saking Universitas Princeton.[1] Michelle tetepangan kaliyan Barack Obama taun 1989 ingkang ing wekdal punika dados mentoripun.[1] Michelle punika senioripun Barrack Obama ing firma hukum Sidley lan Austin.[1] Michelle lan Barrack Obawa palakrami ing taun 1992 lan gadhah putri ingkang namanipun Malia Ann Obama ingkang lair taun 1998 lan Natasha Obama lair taun 2001.[1]