'''Ujian Nasional''' utawi dipuncekak UN / UNAS inggih punika sistem evaluasi standar pendidikan dasar lan menengah sacara nasional lan amrih madhani mutu tingkat pendidikan antar dhaerahlaladan ingkang dipunwontenaken déning Pusat Penilaian Pendidikan, Depdiknas ing [[Indonesia]] adhedhasar Undang-Undang Republik Indonesia nomor 20 tahun 2003 njlentrehaken bilih kangge pengendhalian mutu pendidikan sacara nasional dipunwontenaken evaluasi minangka wujud akuntabilitas panyelenggaraan pendidikan dhateng pihak-pihak ingkang gadhah kapentingan. Salajengipun dipunjlentrehaken bilih evaluasi dipunwontenaken déning lembaga ingkang mandiri sacara tartamtu wekdalipun, transparan, lan sistematik kangge paring biji pencapaian standar nasional pendidikan lan proses pemantauna evaluasi kasebat kedah dipunwontenaken sacara konsisten.
Proses pangecékan evaluasi kasebat dipunayahi kanthi terus-terusan lan ing tembenipun saged paring kasaenan dhumateng saenipun pendidikan. Pangecékan mutu pendidikan dipunwiwiti kanthi damel standar pendidikan.
Ujian Nasional punika kedah dipunayahi déning para siswa sekolah, SMA kelas XII, SMP kelas IX, lan SD kelas 6.
