Zürich: Béda antara owahan

'''Zürich''' (kadhangkala ditulis '''Zurich''', tanpa ''[[umlaut]]'') iku kutha paling gedhé ing [[Swiss]] lan [[kutha krajan]] saka [[Kanton Zürich]]. Kutha iki dipanggoni déning 364.558 jiwa ing taun [[2002]] yèn diétung karo dhaérahlaladan urbané dadi 1.091.732 jiwa. Zürich iku pusat dagang ing Swiss lan dadi salah siji kutha sing wigati banget ing donya bebarengan karo [[Jenewa]]. jeneng [[Romawi]] kanggo kutha iki ya iku '''Turicum''' déné ing dhialèk Jerman Zürich dikenal minangka '''Züri'''.

Zürich iku salah siji pusat patemon lalu lintas [[sepur]], [[dalan bébas hambatan]], lan [[montor mabur]]. Ing Zürich ana sawetara [[stasiun]] sepur kaya Zürich Hauptbahnhof, Zürich Oerlikon, Zürich Stadelhofen, lan Zürich Altstetten. Kutha iki uga diliwati déning sepur kacepetan dhuwur [[TGV]]. Kanggo transportasi jero kutha, jaringan transportasi publik [[ZVV]] nduwèni jaringan sing cukup padhet kanthi telung rupa moda: [[S-Bahn]], [[trem]], lan [[bis]]. Rumor sing ana ya iku ora ana lokasi ing dhaérahlaladan pusat kutha sing adohé luwih saka 150 [[meter]] saka stopan bis, trem, utawa sepur.