{{nihongo|'''Osaka'''|大阪市|Ōsaka-shi|Kota Osaka}} ya iku sawijining kutha ing wewengkon [[Kansai]], [[Jepang]]. Saliyané minangka kutha krajan '''Prefektur Osaka''', kutha iki ditetepaké minangka salah siji [[Kota Terpilih]] adhedhasar [[Undang-Undang Otonomi Lokal]]. Osaka ya iku kutha kang duwéni pendhudhuk [[Daftar kutha-kutha ing Jepang miturut populasi|nomor telu]] ing Jepang sawisé [[Distrik kutha istimewa Tokyo|Tokyo]] lan [[Yokohama]]. Kutha iki dumunung ing pulo [[Honshu]], ing lambé [[kali Yodo]] ing [[Teluk Osaka]]. Osaka ya iku kutha paling gedhé ing kawasan [[Keihanshin]] minangka pusat industri lan pelabuhan kanggo laladan [[metropolitan]] [[Osaka-Kobe-Kyoto]]. Ing sisih wétan, Osaka nduwèni tangga [[Kyoto]] lan [[Nara]], lan ing sisih kulon karo kutha Kobe.
Keihanshin ya iku [[Daftar wewengkon metropolitan ing Jepang miturut populasi|wewengkon metropolitan kang nduwèni pendhudhuk paling akèh nomer loro]] ing Jepang, lan salah siji [[Daftar wewengkon metropolitan miturut jumlah pendhudhuk|wewengkon metropolitan]] paling akèh ing dunya kanthi jumlah pendhudhuk sekitar 18 juta,<ref name=C2005T92>{{cite web|url=http://www.e-stat.go.jp/SG1/estat/ListE.do?bid=000000030587&cycode=0 |title=Table 92, Final Report of The 2000 Population Census |publisher=E-stat.go.jp |date= |accessdate=2010-05-05}}</ref> lan wewengkon metropolitan paling gedhé nomer loro ing Jepang adhadhasar [[produk domestik bruto|PDB]] lan [[Daftar kutha miturut PDB|wewengkon metropolitan paling gedhé nomer pitu]] ing dunya.
Osaka ya iku sawijining metropolis [[banyu]] kang dikenal kanthi kali-kaliné lan cacahing [[jembatan]] paling akèh ing Jepang. Ana 2 pusat kutha ing Osaka, ya iku [[Umeda]] ing sisih lor lan [[Namba]] ing sisih kidul. Sakloron pusaté kutha iki dihubungaké déning dalan utama kang jenengé Midosuji. Kantor-kantor perdagangan, bank, lan konglomerat Jepang umumé nduwèni pusat ing sekitar dalan Midosuji. Dalan Midosuji dikenal kanthi tetingalané godhong-godhong wit [[ginkgo]] kang nguning ing mangsa gogrog.
