'''Menachem Begin''' {{Audio|He-Menachem_Begin.ogg|rungokna}} ([[16 Agustus]] [[1913]] – [[9 Maret]] [[1992]]) ([[Basa Ibrani]]: מְנַחֵם בְּגִין, [[basa Polski|Polski]]: ''Mieczysławaw Biegun'', [[basa Arab|Arab]]: مناحيم بيغن ''Munahayyim Beeghin'', [[basa Rusia|Rusia]]: Менахем Вольфович Бегин ''Menakhem Vol'fovich Begin'') iku sawijining pulitikus Israèl lan pamenang hadhiah Nobel ''Perdamaian''. Dhèwèké iku pangadeg PartaiParté Likud lan uga tau njabat dadi Perdana Menteri Israèl kaping 6. Begin iku katurunan [[Yahudi Polandia]] lan sadurungé Israèl mardika njabat dadi kepala laskar [[Zionis]], [[Irgun]].<ref name="gegin1">{{en}}[http://www.historylearningsite.co.uk/menachem_begin_and_israel.htm www.historylearningsite.co.uk]</ref><ref name="gegin2">{{en}}[http://www.pmo.gov.il/PMOEng/Government/Memorial/PrimeMinisters/Begin.htm www.pmo.gov.il]</ref><ref name="gegin3">{{en}}[http://www.jewishvirtuallibrary.org/jsource/biography/begin.html www.jewishvirtuallibrary.org]</ref> Irgun iku sempalan saka [[Haganah]] lan ndarbèni haluan révisionis. Dhèwèké proklamasi pambalèlan marang pamaréntah Mandat Britania ing Palèstina, sing ditentang déning Agènsi Yahudi, ing tanggal 1 Februari 1944. Minangka kepalané Irgun, dhèwèké nyerang wong Britania ing Palèstina.
Begin mèlu kapilih ing Knesset kapisan lan ngepalani PartaiParté Herut. Nalika iku dhèwèké ana ing pinggiran aliran pulitik sing nentang pamarèntahan Israèl pimpinan Mapai lan golongan èlit Israèl. Dhèwèké panggah ana ing kursi oposisi terus salawasé wolung pemilu (kajaba nalika jaman pamarèntahan tunggal nasional nalika ing [[Perang Enem Dina]]). Nanging suwé-suwé dhèwèké bisa ditampa déning aliran tengah. Ing taun 1977 dhèwèké menangaké pemilu lan dilantik dadi perdana menteri. Palantikané minangka perdana menteri iku mungkasi dominasi PartaiParté Buruh Israèl sing wis kuwasa telung dasawarsa. Begin mbokmenawa dadi pamimpin oposisi sing suwé dhéwé sajroning sajarah modèrn pulitik.
Prèstasi utama Begin minangka perdana menteri iku prajanjèn bedhamèn karo Mesir ing taun 1979. Begin lan Anwar Sadat olèh Hadhiah Nobel Perdamaian déné prajanjèn iki. Sawisé Prajanjèn Camp David, militèr Israèl mundhur saka Tanjung Sinai sing sadurungé direbut saka Mesir nalika Perang Enem Dina. Ing sakatambénjing, pamaréntahan Begin banjur promosi pambangunan pamukiman Yahudi ing [[Gisik Kulon]] lan [[Lurung Gaza]]. Begin uga nyarujuki [[Operasi Opera|Pangeboman PLTN Osirak]] ing Irak lan invasi Libanon taun 1982 kanggo mbrantas bèntèng-bèntèng PLO ing kana. Invasi iki banjur miwiti [[Perang Libanon 1982|Perang Libanon kapisan]].
