Reykjavík: Béda antara owahan

<!-- General information --------------->

'''Reykjavík''' iku kutha krajané [[Islandia]] lan kutha sing gedhé dhéwé ing nagara iki. Mawa latitude 64°08' bujur lor, kutha iki minangka kutha krajan nasional sing papané paling lor. Ing Islandia dhéwé, lokasiné ana ing tlatah kidul-kulon ing pasisir kulon TelukLempongan Faxaflói. Kutha iki nduwé padunung sing gunggungé kira-kira 117.000 lan minangka puser ékonomi lan pamaréntahan. Konon Reykjavík iku pamukiman permanèn kapisan ing Islandia sing didegaké. Miturut sajarah, [[Ingólfur Arnarson]] iku sing ngyasa pamukiman iki ing sakiwa-tengené taun [[870]]. Nganti abad kaping 18, durung ana pembangunan urban ing kutha iki. Tlatah iki olèh hak-hak kutha ing taun 1786 lan kuthané tuwuh dadi puser regional lan nasional. Saiki Reykjavík iku puser saka Laladan Reykjavík Raya mawa populasi luwih saka 190.000 jiwa.

Miturut sajarah, pamukiman Reykjavík didegaké déning wong-wong Nordik saka Skandinavia. Kutha iki konon diyasa déning [[Ingólfur Arnarson]] sakiwa-tengené taun 870 Masehi; kaya tinulis ing ''Landnámabók'' utawa "Kitab Pamukiman". Miturut carita, nalika isih ing baita, Ingólfur Arnarson weruh tanah pasisir, banjur njeguraké rong cagak kayu singgasana sing diarani ''Öndvegissúlur'' ing sagara. Ing ngendi cagak iku kéli tekan pasisir, ing kono didegaké dhukuh. Ing sakiwa-tengené tlatah iki akèh kukus bumi sing sajatiné kukus géotèrmal. Mula dhukuh iki diarani ''Reykjavík'' sing tegesé "TelukLempongan Kukus" ing [[basa Islan]].