Masjid Agung Kutha Kadhiri: Béda antara owahan

Konten dihapus Konten ditambahkan
Kaca anyar: Masjid Agung Kutha Kediri uga isa disebut Masjid Jami’ Kutha Kediri. Umure kira-kira wus 245 tahun, kaitung ing tahun 2016 iki. Panggonan masjid iki ana ing sandhing prapatan gedhe...
(Ora ana béda)

Révisi kala 5 Agustus 2016 04.15

Masjid Agung Kutha Kediri uga isa disebut Masjid Jami’ Kutha Kediri. Umure kira-kira wus 245 tahun, kaitung ing tahun 2016 iki. Panggonan masjid iki ana ing sandhing prapatan gedhe Kutha Kediri. Tepak ana ing sabrange alun-alun lan pusat blanja, Dhoho Plaza. Ambane mester kang paling ngisor 1.388,8m2, mester siji 1.335,1m2, lan mester loro 396,8 m2. Masjid Agung Kutha Kediri iki anduweni amba tanah sekabehe 4.780,6 m2. Sangka njaba bangunan masjid ketara megah amargo bentuk bangunan kang undhak-undhak dhuwur, banjur sisih kidul ana menara dhuwure 49 meter kang dibangun tahun 1976 M, lan ngarep bangunan dihiasi banyu mancur kang uga gedhe. Mlebu njero bangunan, krasa gaya Roma ingkang digawe konsep bangunan masjid iki, kena dideleng sangka mozaik mester kang dibangun sangka marmer rupa abu-abu, hiasan atap lan cungkup masjid, lan saka kang akehe ana 106. Bangunan iki uga dihiasi ukiran kaligrafi kayu kang ana ing lawang lan jendhela. Masjid iki dilengkapi lawang utama kang kabehe ana 15 lan lawang bantu kabehe 12, parkiran, jedhing, WC, lan kran wudhu. Ana 80 kran kanggo jamaah lanang lan 15 kran kanggo jamaah wedok. Bangunan tambahan ingkang anyar yaiku Perpustakaan Islam kang manggon ing sisih kidule masjid kang dibuka mulai jam 09.00 WIB nganti tiba wektu sholat dzuhur. Sakliyane dadi panggonan sholat, masjid iki uga digawe kanggo kegiatan agama Islam liyane, kaya pembagian daging qurban kanggo masyarakat njaba lan njero Kutha Kediri lan donga bareng kanggo nyambut tanggal 1 Muharrom. Biyasane masyarakat Kutha Kediri nganggo klambi putih-putih sakwuse sholat ashar banjur nang Masjid Agung kanggo dunga bareng. Amargo akeh jamaah kang teka, dalan kang ngarah marang masjid ditutup mulai bada ashar tumekan Isya’. Sahingga dalan kang isa dilewati among telu.

Sujarah

Masjid Agung kira-kira adedeg tahun 1771 M. Amarga miturut prasasti kayu jati kapisan, katulis ing mahkota kang dipasang ing dhuwur joglo masjid kuna kaukir tahun 1771 M. Banjur miturut prasasti kayu jati kapindho kang ditulis ing mimbang masjid muni, “Kolo adegipun mimbar Mesjid Ageng ing Kediri Sabtu pahing, wulan haji kaping 5, tahun alif 1261 min hijrotin nabiyyi min Makkata ilal Madinah.” Prasasti iki njelentrehne mimbar (panggon khotib khotbah) digawe lan digunakne sakwuse fisik masjid dedeg ing tahun 1261 H utawa 1841 M. Nganti saiki mimbar iku uga isih ana, kondisine isih apik, lan digawe kanggo khotib nalika khothbah. Miturut prasasti kapindho iki dianakake pamugaran kapisan. Prasasti katelu kang digawe sangka marmer muni, “Mesjid Ageng Kediri kamulyaaken amarengi dinten Rebo wage ping 6 wulan sapar hijroh 1347 utawi ping 25 juli 1928 saking kerso dalem kanjeng Raden Adipati Hariyo Danudiningrat bupati kaping wolu ing Kediri sarembag kaliyan poro muslimin kanthi panyuwun dateng gusti Alloh, mugi-mugi tiyang Kediri sami pinaringan iman sempurno, tebih dateng tindak duroko anetepi pangandikanipun gusti Alloh, kadyo ingkang kadhawuhaken ing salebeting alam arwah.” Miturut prasasti marmer iki ing tahun 1347 H utawa 1928 M dianakake pamugaran Masjid Agung Kutha Kediri kang kapindho. Bupati Kediri kaping wolu, Raden Adipati Hariyo Danudiningrat mbentuk kepanitiaan kang diketuai Kanjeng Pengulu, Raden H. Ali Musthofa. Amerga anduweni pertimbangan syariah kang mendasar sahingga pamugaran iki ngelibatkne ulama gedhe, yaiku KH. Hasyim Asy’ari dan almaghfurlah KH. Wahab Chasbullah sangka Jombang. Pamugaran iki ndadekne serambi masjid kang tambah amba ing sisih etane lan tutup serambi digawe bentuk kubah. Kolam kang ana ing kiwa lan tengene masjid dipendhem lan didedegne bangunan Kantor Rapat Agama. Ana ing tahun iku dalan mlebu marang masjid ana telu, yaiku kiwa, tengah, lan tengen. Masjid Agung Kutha Kediri dipugar kaping telune ana ing tahun 1987 M. Kubah kang awale sangka kayu digani dadi bentuk bunder lan dibangun nganggo bahan semen cor. Tempat wudhu, jedhing, lan lawang mlebu masjid uga didandani.

Pranala Njaba