Wanita rai babi: Béda antara owahan

Konten dihapus Konten ditambahkan
Tanpa ringkesan besutan
Tanpa ringkesan besutan
Larik 4:
Ing crita-crita sing kawitan, wanita rai babi iku minangka ladhatan saka élmu sihir. Sakwisé dina ningkahané, bojoné wanita rai babi diwenèhi pilihan lan kudu milih, antaraning bojoné wédok katon ayu ning ngarepé dhèwèké nanging katon kaya babi ning ngarepé wong liya, utawa katon arupa babi ing ngarepé dhèwèké lan katon ayu banget ing sangarepé wong liya. Nalika bojo lanang kuwi ngandani si wanita rai babi yèn dhèwèké dhéwé sing kudu nemtokaké, sengsemé rantas lan praupan babiné musna. Crita-crita iki dadi kondhang banget utamané ana ing Inggris, lan sabanjuré ing Irlandia.
 
Èlemèn magis suwi-suwi musna saka crita kasebut, lan anané wewujudan wanita rai babi wiwit dipitaya minangka kasunyatan. Dongèng iki wiwit sumebar ing [[Dublin]] ing kawitané abad ka-19, sing njalari padha pracaya yèn darmawati abad ka-18, Griselda Steevens, sing urip ijèn iku ora seneng ngétok amarga dhèwèké duwé rai babi. Ing pungkasaning taun 1814 lan kawitané taun 1815, ana slenthingan sing sumebar ing London yèn wanita rai babi iku manggon ing Marylebone. Anané wewujudan wanita rai babi iki dipitaya minangka kasunyatan lan poto-poto sing dinuga potoné wanita rai babi kuwi dibabar. Kanthi kapitayané wong-wong ngenani anané wanita rai babi iki, sawènèh mantri gelaran sing amoral ngadani pamèran "wanita rai babi". Nanging sing ana ing kéné dudu wanita temenantenanan, ananging bruwang sing dicukur lan didandani nganggo sandhangané wong wadon.
 
Suwi-suwi kapitayan ngenani anané wanita rai babi tansaya suda, lan karya pungkasan sing tenanan kanggo mbuktèkaké anané wanita rai babi dibabar ing taun 1924. Ing dina iki, legéndha iki wis amèh dilalèkaké karo wong-wong.